لاس رسیدونکی لینک

Breaking News

blogs

Wednesday 21 February 2018

Calendar
January February March April May June July August September October November December

د پاکستان په پایه تخت کې د ستر عدالت مشر قاضي  ثاقب نثار نن په تمه وو چې د نقيب مسید په قتل تورن مفرور پوليس افسر راو انوار به عدالت ته ورحاضر شي. خو راؤ عدالت ته ښکاره نه شو.

د پاکستان ستر عدالت په پایه تخت اسلام اباد کې دی. نو گني ددې مطلب دا شو چې مفرور راو انوار هم په دغه ښار کې پټ دی؟ نن د پاکستان په ټولنيزو رسنیو کې تر ټولو غټ سوال هم دا شوی دی چې که چري راؤ په پایه تخت کې دی نو چې حکومت، عدالت، پوليس او اولس ټول غواړي چې راو دې ونيول شي نو په دغه ښار کې بل داسې څوک دي چې د خپل هېواد، د اولس، پولیس، عدالت او حکومت نه هم زیات طاقت لري؟

د وتلي سیاست مدار او پښتون دانشور افراسیاب خټک ټويټ

​په مطبوعاتو کې نن دا تپوس هم شو دی چې ایا داسې خو نه ده چې دغه طاقتوره خلک یا اداره په کراچۍ کې د سوونو په شمېره کې دشوو جعلي مقابلو کې د راو سره شراکت دار وي؟ او یا بیا په جعلي مقابلو کې د خلکو قتلونه هم ددغه طاقتورو په خوښه روان وو؟

په پاکستان کې دغه شان بې ساری طاقت خو یواځې د پوځ سره دی. نو اولس گمان کوي چې ایا راو د پوځ سره دی؟

ځيني څیړنکاران هم شک کوي چې راو به هم د پوځ سره وي ځکه چې هغه په کوم انداز کې د اسلام اباد د هواي ډگر څخه ورک شو دغه ډېره مشکوکه طريقه وه.

د پاکستان نشریات د چارواکو د خلې وايي، راؤ په ٢٣ مه جنورۍ د اسلام اباد هواي ډگر څخه دبۍ ته روان ؤ چې ایف اي ای یعني د پاکستان وفاقي تحقیقاتي ادارې جهاز ته سورېدلو ته ورپرې نه ښودلو.

خو راو د هوايي ډگر څخه چرته لاړو ؟ دغلته خو کېمرې وې. د دغې کیمرو ریکارډ چرته لاړو؟ ایف اي ای چې راو سفر ته پرې نه ښودلو نو چاته یې حواله کړو؟

اوس یو اهم سوال دادی چې که د هېواد اولس په پوځ شک کوي نو ایا د پاکستان د سترې محکمې ستر قاضي د طاقتوره پوځ نه د تپوس یا پلټنو کولو توان لري؟

ایا د نقيب مسيد په وژنه تورن مفرور پوليس افسر به سزا شي؟ ایا د پاکستان اولس به خبر شي چې په هېواد کې په جعلي مقابلو کې په سوونو خلک ولې وژل کیږي؟

کنه، د نقيب مسيد قضیه به هم لکه د محمد علي جناح د مړينې، د لیاقت علي خان د وژنې، د ضیاالحق په جهاز کې د حادثې ښکار کیدلو، د بينظير بټو د قتل کولو او د عمر اصغر د خود کشۍ په شان یو متنازعه، گنگس، او پټ باب پاتې شي؟


ریډیو سټوډیو

د پښتنو په بېدارۍ کې د ريډیو اهميت د چا نه پټ پناه نه دی ددې ترڅنګ په پښتنو کې ډېر ښه ښه سندرغاړي شته خو کوم سندرغاړي چې په رېډيو يا ټېلي وژن خپاره شي د شهرت منزلونه يي د سترګو رپ شي.

"ادکې مورې زما منګی اوزګار دی که نه دی"

تاسو به ارو مرو د وتلې سندر غاړې فرزانې دغه مشهوره سندره اورېدلې وي خو چرې دا سوچ مو کړی چې فرزانه چا او څنګه راډيو سره معارفي کړه؟

نن د ريډيو نړيواله ورځ ده، په دې موقه راته د وي او ای ډيوه همکار او د رېډيو د دنيا يو وتلي شخصيت مختار خليل د فرزانې د شهرت دغه قصه کړې هم د هغه له خلې يي واؤرۍ:

" دا د هغه زمانې خبره ده چې په افغانستان د پخواني شوروي اتحاد (روس) د يرغل لکبله په ميلينونو افغانانو پاکستان ته کډې کړې وې، يو افغاني تن فقير محمد زمونږه د حجرې ديوال جوړو، خو يو ما ځيګر يي له خپله کاره وختي چټي اوکړه،

"خېرشه فقيره ! نن ډېر په بيړه کې نه يي؟"

ما د فقير خټمار نه پوښتنه اوکړه.

" خان تپوس يي مه کوه، کارونه خو زمونږه د ټول عمر دي، خو د فرزانې سندرې خو کله کله وي"

"فرزانه! دا څوک ده؟"

" خان د کابل يوه پېغله سندر غاړې ده الله داسې غږ ورکړې چې سندرې وايي سم لکه په زړه ښخيږي، زه به يي درله د تماشې کېسټ راوړم"

ما چې د فرزانې کېسټ واورېده، يقينا چې په آواز کې يي عجيبه جادو وو.

زه خو پخپله په رېډيو پاکستان کې دخبرونو په څانګه کې ووم، خو د موسيقۍ په څانګه کې مې يو ډېر ښه ملګرې امين الله داؤدزی وو، هغه ته مې د فرزانې د جادوګر آواز قيصه اوکړه، هغه راله دستي د فرزانې په نوم چيټۍ ټاېپ کړه، چې بله ورځ دې د خپل غږ آډيشن له راشي.

ما چيټۍ فقير خټمار له ورکړه، چې فرزانې ته يي ورکړي.

فقير وېل نن په بخشي پل کې د فرزانې تماشه ده چيټۍ به هلته ورکړم.

بله ورځ مې د فقير نه تپوس اوکړو چې چيټۍ دې ورکړه نو څه يي وېل،

وېل خان فرزانه ډېره خوشحاله شوه، زما لاسونه يي ښکل کړل،

اتفاق ته ګوره چې هغه ماځيګر چې کله زه د رېډيو پاکستان پېښور دفتر ته ورننوتلم نو په ګېټ يوه ښکلې افغانۍ پېغله سره د يو مشر سړي ناسته وه، د ګېټ څوکېدارن ماته له احترامه ودرېدل، سلام يي راته اوکړو، دغه افغانۍ پېغله او ورسره راغلی سړی هم ودرېدل ، ماته يي سلام وکړو.

ماته د ګېټ څوکېدارانو ووېل د موسيقۍ پروډيوسر امين الله داودزي صېب ته ټيلي فون کوو خو ځواب نه راکوي دا ميلمانه ورسره ليدل غواړي.

ما وېل دا څوک دي؟

فرزانې راته وويل جې زما نوم فرزانه ده او دامې پلار دی، ماته امين الله داؤدزي صېب دا چيټۍ راستولې چې زما د غږ ازماېنه وکړي.

فرزانې ماته هم هغه چيټۍ ښکار ه کړه چې هم زما په وېنا امين الله داؤدزي صېب دې ته ليکلې وه او هم ما د فقير محمد خټمار په لاس ورلېګلې وه.

ما ورته اوېل زه آمين الله ته ويم، هغه به درپسې څوک راوليږي

آمين الله داؤدزي د فرزانې نه لومړۍ هم دغه سندره رېکارډ کړه چې وايي:

" ادکې مورې زما منګې اوزګار دی که نه دی

سړې چينې له زمه ماځيګر دی که نه دی"

د ريډيو پاکستان نه د فرزانې دغه سندره څه وه چې فرزانه يي د رېډيو او تيلي وژن په دنيا کې لکه دسپوږمۍ اوځللوله.

هغه ورځ شوه او نن ورځ ده، فرزانې د موسيقۍ په مېدان کې لوي نوم ګټلی خو په دې خبره نه شوه چې د ريډيو سره معارفي کولو په شا يي د چا لاس وو"

په دې هيله چې د ښاغلي مختارخليل صېب قصه مو خوښه شوي وي، د يوې بلې دغسې خوندورې قصې سره به بيا راځو،

نور کتل

XS
SM
MD
LG