لاس رسیدونکی لینک

Breaking News

دامريکائي بحريې مشر جنرال راحيل سره ليدلي


له دې وړاندې دامريکا دنيوي دغه لوړپوړى کمانډر کراچۍ ته ورغلى اؤ دغلته يې دپاکستان نيوي اکيډيمۍ کې دنيوي کيډټانو ته وينا وکړه.
دامريکا دنيول اپريشنز مشر ايډمرل جوناتهن گرينرټ دنهې په ورځ په يوه مهمه دوره پاکستان ته رسيدلى اؤ دراولپينډۍ ښار په جنرل هيډکوارټرز(جي ايچ کيو) کې دپوځ دسرلښکر جنرال راحيل شريف سره ليدنه کړې ده.
جنرال راحيل شريف سره ليدنه کې امريکائي چيف اف نيول اپريشنز ايډمرل جوناتهن سيمه کې په امنيتي صورتحال اؤ دوه اړخيزه پيشه وارانه چارو خبرې اترې کړي دي.
دپاکستان نيوي ديووياند ترمخه ايډمرل جوناتهن دنيول سټاف دمشر ايډمرل اصف سنديلا سره هم دپاکستان پلازمينه اسلام اباد کې ليدنه کړې ده اؤ ددغه ليدنې په مهال دواړو خواؤ په پيشه وارانه مرستو ښو کولو اتفاق کړى دى.
له دې وړاندې دامريکا دنيوي دغه لوړپوړى کمانډر کراچۍ ته ورغلى اؤ دغلته يې دپاکستان نيوي اکيډيمۍ کې دنيوي کيډټانو ته وينا وکړه.
دپاکستاني بحريې د يو وياند ترمخه دخپل دغه سفر په مهال به جوناتهن دوزيراعظم نواز شريف اؤ دفاع دوزير خواجه اصف سره هم ليدنې کوي.
دامريکائي بحريې مشر پاکستان ته دغه سفر په داسې حال کې کړى چې تيره اوونۍ دامريکا مرستيال خارجه وزير وليئم جى برنز هم دپاکستان يوه مهمه دوره کړې وه اؤ دوزيراعظم نواز شريف اؤ پوځ دسرلښکر جنرال کياني پشمول يې دلوړپوړو پاکستاني مشرانو سره ليدنې کړې وې.
دميډيا راپورونو کې دعوه شوې وه چې دغه ليدنو په مهال برنز دپاکستان لوړپوړو پوځي اؤ سياسي مشرانو ته دامريکا پيغام ورکړى اؤ په هغوي يې غږ کړى چې شمالي وزيرستان کې موجودې دترهه گرو ځالې تباه کړي
XS
SM
MD
LG