د امريکا خارجه وزير جان کېري د اوباما انتظاميې لخوا په پاکستان د اېف ۱۶ الوتکو خرڅولو د پرېکړې دفاع کړې او وئيلي يي دي چې د پاکستان په قبائيلي سيمو (فاټا) کې روانو پوځي عملياتو حقاني ډله بل ځايې ته منتقل کولو ته اړ کړې ده .
د پاکستان انګرېزۍ ژبې ورځپاڼې ډان د رپورټ ترمخه د نهې په ورځ دکانګرس په غونډه کې دپاکستان په قبائيلي سيمو کې د حقاني ډلي موجودګي په دغه ملک د الوتکو خرڅولو په ضد د دليل په توګه وړاندې کړی شوي دي .
د امريکې سېنيټر بوب کورکر په پاکستان د الوتکو خرڅولو مخالفت کړی او وئيلي يي دي ، هغه (پاکستان) د حقاني ډلې ملاتړ او القاعده ته د محفوظو ځايونو ورکولو لړۍ دوامداره ساتلې ده .
جان کېري د بوب کورکر د تحفظاتو لرې په کولو په ترڅ کې وئيلي، هغوي (پاکستان) حقاني ډله يو نوي ځاې منتقل کولو ته اړ کړې ده او دا د ترهګرۍ په ضد د پرمختګ برخه ده، ولې نوموړي دا هم منلې ده چې اوس هم ځيني عناصر دغلته موجود دي کوم چې زمونږ هڅې نورې پيچيده کوي .
جان کېري د کال ۲۰۱۷م د دفاعي بجټ وړاندې کولو په لړ کې د خارجه چارو دکمېټۍپه وړاندې پېش شوی ؤ ، په کوم کې چې د صوابديدي فنډ په توګه د خارجه او امريکايي ايجنسۍ د نړيوال امداد دپاره د۵۰ اربه ډالرو نه زيات پېسې غوښتې شوي دي .
د اوباما انتظاميې لخوا پاکستان ته د ۷۴۲ملينه ډالرو د غوښتنې د تفصيلاتو وړاندې کولو په مهال جان کېري وويل، مونږ د انتهاپسندۍ د مخنيوي دپاره د پاکستان او افغانستان مرستې کوؤ .
د ډان د رپورټ ترمخه دغه بحث وروستو د امريکې او پاکستان پيچيده اړيکو پله واوړيدو .
د کميټۍ مشري کوؤنکي سينيټر بوب کورکر په پاکستان د ښکاره دوه مخيزې پاليسۍ تور ولګوؤ او ويې وئيل پاکستان د امريکې سره دوستانه اړيکې هم ساتي او ورسره د انتهاپسندو ملاتړ هم کوي .
نوموړي ادعا وکړه چې د امريکايانو د ټېکس غټې پېسې وزيرستان ته تلي چې مقصد يې د دغو سيمو حالات بدل کړي ولې تراوسه دغلته د تُندروۍ مخه نه ده نيول شوې .
له دې وروستو نوموړي وئيلي څو پورې چې پاکستان دوه مخې پاليسي نه وي پرېښي هغه به په پاکستان د اېف ۱۶ الوتکو خرڅولو مخالفت کوي .
جان کېري سېنېټر ته باور ورکړی چې محکمه خارجه ته په افغانستان کې د پاکستان د ترهګرۍ په ضد د ټولو هڅو د اثراتو اندازه ده .
نوموړي وئيلي چې څو اونۍ وړاندې يې په سويټزرلېنډ کې د پاکستان وزيراعظم نوازشريف سره ليدلي او پاکستان کې دترهګرو ډلو د پټو ځالو، او د هغويې لخوا د دغه خاورې د کارېدو د مخې نيولو د ضرورت په لړ کې يې ورسره د امرېکې اندېښنې شريکې کړي دي .
