د پاکستان داخله وزارت وئيلي د پنجاب صوبې د پخواني وژل شوي ګورنر سلمان تاثير زوی شهبازتاثير تښتوؤنکو په خپله پرېښودی دی، نا چې په کومو عملياتو کې ترلاسه کړی شوی دی .
دخالي په ورځ د داخله وزارت لخوا جاري شوي بيان کې وئيل شوي چې د شهبازتاثير د ترلاسه کېدو په اړه رپورټ کې معلومه شوې چې هغه تښتوؤنکو په خپله پرېښودی دی .
بل لورته داخله وزير چوهدري نثارعلي خان د شهبازتاثير مېلاوېدو په اړه ورکړی شوؤ غلطو بيانونو نوټس اخستی او د هغو د پلټنو امر يې کړی دی .
د شهبازتاثير راخلاصېدو په اړه د بلوچستان صوبې پوليس چارواکو وئيلي ؤ چې د پوليس او استختباراتي ادارو په عملياتو کې هغه ترلاسه کړی شوی دی .
د پنجاب صوبې د وژل شوي پخواني ګورنر زوی د تښتوؤل کېدو نه نزدې څلورنيم کاله پس د نهې په ورځ د بلوچستان صوبې کچلاک سيمه کې ترلاسه شوی ؤ .
د شهباز تاثير د ترلاسه کېدو نه پس په دغې اړه بېلابيل خبرونه خپاره شوي وو ، او بيا د رښتياؤ معلومولو دپاره چوهدري نثار يوه کميټي جوړه کړې وه .
ځيني راپورونه وايي چې د شهبازتاثير د خوشي کېدو دپاره تاوان ورکړی شوی دی .
ولې د تاثير کورنۍ په خپله د شهبازتاثير خوشي کېدو په لړ کې تراوسه کوم بيان نه دی ورکړی .
