لاس رسیدونکی لینک

Breaking News

دشمالي کوريا لخوا دبيلسټک ميزائيل دکاميابې تجربې دعوه


دسرکاري خبري ادارې کوريئن سنټرل نيوزايجنسۍ ترمخه دخالي په ورځ دشمالي کوريا مشر کم جونګ ددغه تجربې پخپله څارنه کړې اؤ ددې تجربې سره به دامريکا په ضد دجوهري حملې کولو په اړه ددغه هيواد توان ته وده ترلاسه کيږي.

شمالي کوريا وائي دبراعظمونو په کچه يې دبيلسټک ميزائيل لپاره دتيار کړل شوي يو انجن کاميابه تجربه کړې ده.

دسرکاري خبري ادارې کوريئن سنټرل نيوزايجنسۍ ترمخه دخالي په ورځ دشمالي کوريا مشر کم جونګ ددغه تجربې پخپله څارنه کړې اؤ ددې تجربې سره به دامريکا په ضد دجوهري حملې کولو په اړه ددغه هيواد توان ته وده ترلاسه کيږي.

له دې وړاندې پيانګ يانګ څو ځله په امريکا اؤ جنوبي کوريا دجوهري حملې دړکه کړې.

دخالي په ورځ ترسره شوې دغه تجربه که چرې کاميابه وه نو دا به دشمالي کوريا دجوهري پروګرام لپاره يو لويې پرمختګ وي.

شمالي کوريا دسږکال دپيل څخه دوسلو ګڼې تجربې کړي اؤ دملګرو ملتونو دامنيتي شورا لخوا دلګول شوؤ بنديزونو په ردعمل کې يې بيلسټک ميزائيلونه دتجربې په ډول داغلي دي.

دجنوبي کوريا اؤ امريکا مبصرين ميزائيلو اؤ جوهري پروګرامونو کې دتنيکي پرمختګ په اړه دشمالي کوريا په دعوؤ دشکونو څرګندونه کوي.

تيره مياشت دشمالي کوريا مشر کم جونګ دجوهري وسلو استعمالولو لپاره پوځ ته دتيار اوسيدو غږ کړى ؤ.

XS
SM
MD
LG