دخېبرپښتونخوا سرښار پېښور اؤ کوهاټ سيمو کښې وسله والو دشورو په ورځ دوه پوليس عسکر وژلي دي.
دپوليسو ترمخه دپېښور دخزانې تاڼې پوليسو سحر په يو کور چاپه وهلې ده اؤ په دغه مهال وسله والو دپوليسو په ليدو ناتاره ډزې کړي دي چې له امله يې عبدالاکبر نومې پوليس عسکر وژل شوى دى.
همدغه راز کوهاټ بازار کې هم ديوې امام باړې دتحفظ لپاره په ولاړ پوليس عسکر علي رضا هم وسله والو ډزې کړي دي، دپېښې وروستو علي رضا هسپتال ته درسول کيدو په مهال لاره کې ساه ورکړې ده.
دتيرې څه مودې راهسې دسرښار پېښور په ګډون دخېبرپښتونخوا بيلا بيلو سيمو کې دوسله والو لخوا په پوليس عسکرو بريدونو کې اضافه راغلې ده چې پکې په ګڼ شمير کې عسکر وژل شوي دي.
پېښور او کوهاټ کې په داسې حال کې دوسله والو بريدونو کې دغه دوه پوليس وژل شوي چې دپاکستان دپوځ وياند ليفټننټ جنرال عاصم باجوه دعوه کړې وه چې داستخباراتي معلوماتو په اساس دترسره شوو عملياتو څخه وروستو امنيتي وضعه کې ښه والى راغلى دى.
