لاس رسیدونکی لینک

تازه خبر

اېل او سي باندې نښته کې څلور کسان وژل شوي، ائي اېس پي ار


پاکستان او هند تل په یو بل د اوربند د تړون د ماتولو تورونه لګوي، په کال ۲۰۰۳م کې د دواړو ملکونو ترمنځ په دغه پوله د اوربند تړون شوی ؤ.
پاکستان او هند تل په یو بل د اوربند د تړون د ماتولو تورونه لګوي، په کال ۲۰۰۳م کې د دواړو ملکونو ترمنځ په دغه پوله د اوربند تړون شوی ؤ.

د پاکستان پوځ ادعا کړې چې د هندي پوځ لخوا په لائن اف کنټرول (د هند او پاکستان د کشمير ویشونکې پولې) باندې د هندي پوځ لخوا په ډزو کې د پاکستان د ولقې لاندې کشمیر کې د یوې ښځې په ګډون څلور ملکي وګړي وژل شوي او ۱۰ نور ژوبل شوي دي.

د پاکستان د پوځ مطبوعاتي څانګې ائي اېس پي ار نن د ګل په ورځ یو جاري کړي بیان کې دا هم ویلي چې د پاکستان د پوځ لخوا د هندي پوځ د ډزو په ځواب کې هاغه لوري ته درنه مرګ ژوبله اوختې او د شپږو هندي پوځي سرتيرو د وژنې پخلی پکې شوی دی.

ولې د هند له اړخه تراوسه پورې د دغه خبر کوم غبرګون مخې ته نه دی راغلی.

دوه ورځې وړاندې هم پاکستان ادعا کړې وه چې په لائن اف کنټرول باندې د هندي ځواکونو په ډزو کې څلور ماشومان وژل شوي وو. او د پاکستان خارجه دفتر ویلي د ګل په ورځ اسلام اباد کې د هند ډپټي هايي کمشنر خارجه دفتر ته راغوښتی شوی او د ماشومانو په وژنه ورته احتجاج شوی دی.

د دفتر خارجه د بیان ترمخه پاکستان په هند زور راوړی چې په لائن اف کنټرول باندې د اوربندتړون په ځای وساتي.

په وروستیو کې په لائن اف کنټرول باندې نښتو کې د پاکستان د انتظام لاندې کشمیر کې تراوسه پورې د ۳۵ کسانو د وژنې خبرونه مخې ته راغلي په کومو کې چې د ملکي وګړو ترڅنګ پوځي سرتيري هم شامل دي.

بل لور ته د هند د ولقې لاندې کشمير کې هم د ډزو په نتیجه کې د وژنو ویل شوي دي، او راپورونه وايي د لائن اف کنټرول د پولې دواړو غاړو ته خلکو د دغو ځایونو نه کډې کول پېل کړي دي.

د پاکستان او هند ترمنځ د لانجمن کشمير په ویشونکې پولې لائن اف کنټرول باندې له دې وړاندې هم وخت په وخت د دواړو خواؤ نه د ډزو خبرونه مخې ته راغلي او په دغو نښتو کې مرګ ژوبلې هم رامنځته شوي دي.

پاکستان او هند تل په یو بل د اوربند د تړون د ماتولو تورونه لګوي، په کال ۲۰۰۳م کې د دواړو ملکونو ترمنځ په دغه پوله د اوربند تړون شوی ؤ.

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG