لاس رسیدونکی لینک

تازه خبر

ختیځ حلب ښار نه د خلکو وتلو لړۍ بیا پېل شوې


له دې وړاندې د جمعې د ورځې پورې نهه زره تنه ویستل شوي وو ولې وروستو دغه لړۍ د ځنډ ښکار شوې وه.
له دې وړاندې د جمعې د ورځې پورې نهه زره تنه ویستل شوي وو ولې وروستو دغه لړۍ د ځنډ ښکار شوې وه.

د شام د حلب ښار په ختیځ کې د یاغیانو د ولقې لاندې برخو نه د خلکو د وتلو لړۍ د څو ساعتونو د ځنډ نه وروستو د اتوار په ورځ بیا پېل شوې ده.

د حلب نه د ګېر شوؤ زرګونو په شمېره کې خلکو د وتلو دپاره یوه لوظنامه شوې وه او د هغې وروستو د اتوار په ورځ دغلته د خلکو ویستلو دپاره ګاډي رسېدلي وو ولې د بسونو سوځولو له سببه دغه عمل ودرول شوی ؤ.

ولې د شام دپاره د ملګرو ملتونو مشاور جان ایجیلینډ په ټویټر ویلي چې د کفریا او فوعه د سیمو نه د خلکو د وتلو لړۍ لږه ډېره پېل شوې او په زرګونو خلک اوس هم وتلو ته په انتظار دي.

د نیمي شپې وروستو د نړیوال رېډکراس کمېټۍ چارواکي رابرټ مارډيني هم په ټویټر ویلي چې د پينځه ؤ بسونو او یو اېمبولینس د لارې خلک د حلب د ختیځ نه وتلي دي.

نوموړي هیله څرګند کړې چې دا سلسله په مناسب انداز دوام ولري.

له دې وړاندې د جمعې د ورځې پورې نهه زره تنه ویستل شوي وو ولې وروستو دغه لړۍ د ځنډ ښکار شوې وه.

د ګل په ورځ د ملګرو ملتونو امنیتي شورا کې په دې قرارداد رایې شماري کيږي چې پکې د خلکو د وتلو د څار دپاره د مبصرینو حلب ته د لېږلو ویل شوي دي.

د ملګرو ملتونو مشاور جان ایجيلینډ د اتوار په ورځ بسونو باندې د برید تور د القاعده سره اړوند یاغي وسله والو باندې لګولی او سختې نيوکې يې پرې کړي دي.

هغه خبرداری ورکړی چې بسونو ته د اُور اچولو نه به ټولې امدادي هڅې اغېزمنې شي.

دغه بسونه د شیعه ګڼ مېشتو سیمو فوعه او کفریه نه خلکو ویستلو ته روان وو.

د صدر بشارالاسد د حکومت پلوي ځواکونه غوښتنه کوي چې د فوعه او کفریه نه دې خلک وویستل شي او په بدل کې دې د ختیځ حلب نه ښاریان او یاغیانو د ویستلو اجازه ورکړی شي.

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG