لاس رسیدونکی لینک

تازه خبر

د امریکا لخوا په اووه کمپنیو بندېز ته د پاکستان غبرګون


اسلام اباد خپل وسله وال ځواکونه د نزدې، منځنۍ او اوږدې فاصلې پورې ویشتونکو میزایلو نه سمبال کړي کوم چې د دودیزو او ايټمي وسلو وړلو توان لري.
اسلام اباد خپل وسله وال ځواکونه د نزدې، منځنۍ او اوږدې فاصلې پورې ویشتونکو میزایلو نه سمبال کړي کوم چې د دودیزو او ايټمي وسلو وړلو توان لري.

د امریکا حکومت د پاکستان د میزایل پروګرام سره د تړاؤ لرلو په سر په شپږو دولتي، غېردولتي او شخصي ادارو یا کمپنیو باندې بندېزونه لګولي دي.

پاکستان ویلي امریکا ورسره د دفاع سره تړاؤ لرونکو ځینو کمپنیو باندې د بندېزونو لګولو څخه وړاندې د دوي د ناسم چلند په اړه کوم ثبوتونه نه دي شریک کړي، ولې بیا هم ویل شوي چې د واشنګټن سره به د ټولو اندېښنو په وړاندې په ګډه کار وکړي.

د امریکې د سوداګرۍ وزارت د دسمبر د میاشتې په ۱۵م نېټه یوه اعلامیه کې ویلي، چې د ځينو حقایقو په اساس په دې خبره یقین کول جواز لري چې د پاکستان دغه دولتي، غېر دولتي او شخصي ادارې په هغو هلوځلو کې ککړې دي کومې چې د امریکا د ملي امنیت او باندنۍ پالیسۍ په ضد دي.

د دغو کمپنیو په اړه ویل کيږي چې د پاکستان د میزایل د پرمختیا د پروګرام سره اړیکې لري ولې پاکستاني چارواکي د دې خبرې اعتراف نه کوي. د امریکا حکومت هغه جزئیات نه هم دي خپاره کړي چې دغو کمپنیو کوم ډول سرغړونه کړې ده.

د پاکستان د خارجه وزارت ویاند نفیس ذکریا د خالي په ورځ وایس اف امریکا سره په خبرو کې ویلي حکومت یې د بندېزونو څخه خبر دی.

هغه ویلي (د دې دا مطلب شو چې د دغو ادارود ټیکنالوجۍ هر ډول انتقال کولو ته د امریکا د صادرونکو لائسنس ته اړتیا لري)، هغه زیاته کړې چې پاکستاني چارواکي په دغه اړه پوره معلومات کوي چې د بندېزونو په فهرست کې د شاملولو په شا کومه خبره.

ذکریا د بندېزونو دغه وخت ته خېرانونکی ویلي، او زیاته کړې یې ده پاکستان د پوهانو په کچ خبرو او په دغه اړوند ضمانت ورکولو ته تیار دی.

هغه ویلي (دا به زمونږ د ټولنیزو او اقتصادي پرمختګ د هلوځلو دپاره د امریکا نه په قانوني توګه د لوړې ټیکنالوجۍ راغوښتو په لړ کې د کوم د خنډ په لار کې مرستندویه وګرځي).

پاکستاني چارواکي په دې خبره ټینګار کوي چې میزايل پروګرام یې په بشپړډول ځایي دی او امریکايي بندېزونه به پرې لږې اغېزې ولري.

د پروژې سره اړونده یو چارواکي د نوم نه څرګندولو په شرط ویلي ( د دې مطلب دا زمونږ دپاره نه دي).

چارواکي زیاته کړې دغه کار سیاسي مقاصد لري او موخه يې د امریکا نوي منتخب شوي صدر ډونلډټرمپ د انتظاميې سره د پاکستان اړیکې د ستونزو سره مخ کول دي.

اسلام اباد خپل وسله وال ځواکونه د نزدې، منځنۍ او اوږدې فاصلې پورې ویشتونکو میزایلو نه سمبال کړي کوم چې د دودیزو او ايټمي وسلو وړلو توان لري.

دغه پروګرام د پاکستان د اېټمي وسلو په خوندیتوب د واشنګټن اندېښنې راپورته کړې ولې اسلام اباد دغه ډول خبرې ردوي.

ځانګړې ویډیوګانې

پيوټن د نورو شپږو کلونو دپاره د روس صدر منتخب شو
please wait

No media source currently available

0:00 0:02:55 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG