امریکا په استنبول کې د شپې په یو کلب باندې د شوي ترهګر برید په سختو ټکو کې غندنه کړې او ویلي يې دي (د پلټنو په مهال مونږ د ترکي چارواکو سره په نزدې رابطه کې یُو).
یو بیان کې د امریکې د خارجه محکمې مرستیال ویاند مارک سي ټونر ویلي ( د ترهګرۍ د روان ګواښ د مخې نیولو دپاره مونږ د خپل نېټو اتحادي ترکي سره د یو والي څرګندونه کوو).
مارک ټونر ویلي (دا برید تازه وحشي حرکت دی، او هدف يې د خلکو وژل او بې ګناه وګړو معذوره کول دي).
ویاند زیاته کړې (مونږ د وژل شوؤ د کورنو سره غمرازي، د ژوبلو د کورنو سره د روغ صحت دپاره او د ترکي د اولس سره د خواخوږۍ څرګندونه کوو).
مارک ټونر ویلي (د پلټنو په مهال مونږ د ترکي د چارواکو سره په نزدې رابطه کې يُو).
د خارجه محکمې د ویاند ترمخه (دغه بریدیواځې د ترکي د حکومت سره په ګډه د کار کولو دپاره زمونږ حوصلې پياوړې کوي چې د ترهګرۍ مخنیوی وکړی شي).
