لاس رسیدونکی لینک

تازه خبر

باجوړ : چاؤدنه کې د ملېشې څلور عسکر ژوبل شوي


د چاؤدنې وروستو په سیمه کې کرفیو لګول شوې او د تحصیلدار په وینا علاقه کې د لټون عملیات پېل کړی شوي او نوموړي د ۱۰ مشکوکو تنانو دنیولو دعوه هم کړې ده.
د چاؤدنې وروستو په سیمه کې کرفیو لګول شوې او د تحصیلدار په وینا علاقه کې د لټون عملیات پېل کړی شوي او نوموړي د ۱۰ مشکوکو تنانو دنیولو دعوه هم کړې ده.

د پاکستان په قبایلي سیمه باجوړ ایجنسۍ کې د ملېشې ځواکونو په یو ګاډي بمي چاؤدنه کې څلور عسکر ژوبل شوي دي.

د باجوړ ایجنسۍ وړ ماموند تحصیل پولیټیکل تحصیدالدار سازمحمد ډیوه ریډیو سره په خبرو کې ویلي نن اتوار په ورځ د ملېشې ځواکونه د ایجنسۍ د مرکز خار نه شمال پله پرته ډمه ډوله علاقه کې په ګزمه بوخت ؤ او د ریموټ کنټرول د لارې پرې د سړک غاړې ښخ بارودی موادو چاؤدنه شوې ده.

پېښه کې ژوبل سرتیري د خار مرکزي روغتون ته وړل شوي دي.

د چاؤدنې وروستو په سیمه کې کرفیو لګول شوې او د تحصیلدار په وینا علاقه کې د لټون عملیات پېل کړی شوي او نوموړي د ۱۰ مشکوکو تنانو دنیولو دعوه هم کړې ده.

د چاؤدنې زمه واري لا چا نه ده منلې خو په سیمه کې د دغه ډول زیاتره بریدونو زمه واري تحریک طالبان پاکستان یا داعش ډله قبلوي.

د باجوړ ډمه ډوله د افغانستان سره نزدې په ۳۰ کلومیټره لرې علاقه باندې پرته سیمه ده.

د باجوړ ایجنسۍ په ډمه ډوله علاقه کې دغه چاؤدنه په داسې حال کې شوې چې د جمعې په شپه د باجوړ سره په پوله پرته مهمند ایجنسۍ کې پاکستاني ځواکونو د ترهګرو د برید په شا تمبولو او نښته کې د اته ؤ ترهګرو د وژلو ادعا کړې وه.

د طالبانو جماعت الاحرار ډلې د دغه برید زمه واري منلې او ویلي يې ؤ په برید کې يې پاکستاني ځواکونو ته مرګ ژوبله اوړلې وه.

د افغانستان سره په پوله پرته د پاکستان قبایلي سیمه باجوړ ایجنسۍ کې د پاکستان پوځ په کال ۲۰۰۸م او کال ۲۰۱۰م کې د وسله والو جنګیالو په ضد عملیات کړي او د عملیاتو په ترڅ کې د سیمې نه کډه شوؤ خلکو ته يې په کال ۲۰۱۱م کې بیرته د راتلو ویلي ؤ چې سیمه د وسله والو څخه پاکه کړی شوې او امن پکې پرځای کړی شوی دی.

ولې په سیمه کې وخت په وخت په دغه ډول بریدونو کې امنیتي ځواکونه او د وسله والو په ضد د امن لښکر غړي او مشران په هدف کيږي.

د سیمې خلک وايي د پاکستان پوځ او حکومتي چارواکي ادعا کوي په سیمه کې یې د تُندروه وسله والو ملاته کړې نو بیا څنګه دغلته دا پېښې رامنځته کیږي.

د پاکستان پوځ دعوه کوي چې په پوله پرتو علاقو کې دغه ډول برید کوونکي د پولې پورې غاړې افغانستان د لوري راوړي، ولې افغانستان وايي چې خپله خاوره د پاکستان په ضد کارېدو ته نه پرېږدي.

افغانستان د اوږدې مودې راهسې تور لګوي چې پاکستان په خپله خاوره حقاني شبکې ته پناه ورکړې او دغه ډله په افغانستان کې ترهګري کوي، ولې پاکستان هم دغه تورونه ردوي.

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG