لاس رسیدونکی لینک

Breaking News

لنډي کوتل کې په لمړي ځل ښځو،ماشومانو دملېشې ځواکونو پرضد احتجاجي مظاهره کړې


دا لمړی ځل دی چې په لنډي کوتل کې ښځې او ماشومان د ملېشې ځواک پرضد په ښکاره په سړک باندې احتجاجي مظاهره کوي.

د قبايلي سيمې خېبر ايجنسۍ په مرکزي تحصيل لنډي کوتل کې نن د دوشنبې،ګل په ورځ د خوګي خېلو ماشومان او ښځې سړک ته راوتي او د ملېشې ځواک پر ضد يې احتجاجي مظاهره کړې چې بېګناه خلک يې نيولي دي.

دا لمړی ځل دی چې په لنډي کوتل کې ښځې او ماشومان د ملېشې ځواک پرضد په ښکاره په سړک باندې احتجاجي مظاهره کوي.

دغو مظاهره چيانو چې په لاسونو کې بنېرې او تور بېرغونه پورته کړي وو، وويل چې تېره اوونۍ په سيمه کې د ملېشې ځواک د لټون عملیات کړي او د کورونو څخه يې عام ۴۰ تنه نیولي چې وروستو يې ترې شپږ خوشي کړي او نور ورسره لا په بند کې دي.

مظاهره چيانو د لنډي کوتل بايي پاس بازار سړک تر نيم ساعته پورې بند کړی ؤ.

په مظاهره کې ګډون والو ماشومانو جينکو په لاسونو کې بېنرې پورته کړې او داسې ليکل پرې شوي وو چې ،

" ګو اېف سي ار ګو، زمونږ بې ګناه نيول شوي خوشي کړئ، مونږ بې ګناه يُو زمونږ نه ترهګر مه جوړئ".

مظاهره چيانو ويلي د ملېشې ځواکونو او پوليټيکل انتظاميې په علاقه کې د لټون د عملياتو علت نه دی ښودلی او نه يې قبايلي مشران په دغه اړوند په اعتماد کې اخستي او پوهه کړي يې دي.

خو د ملېشې سرچينو ترمخه تېره اوونۍ په علاقه کې چاؤدنه شوې او د هغې وروستو يې عمليات کړي دي.

خو په دغه پېښه کې د کوم زيان په اړوند څه نه ؤ ويل شوي او بيا د لټون عمليات پېل کړی شوي وو.

له دې وړاندې په ياده سيمه کې زيات عملیات يا د بدامنۍ زیاتې پېښې هم نه دي رپورټ شوي.

د خېبر ايجنسۍ په باړه او جمرود سيمو کې بیا د وسله والو تندلارو په ضد عمليات هم شوي او د بدامنۍ پېښې هم رامنځته شوي دي.

  • 16x9 Image

    فضل عزیز

    فضل عزيز په کراچۍ کې د وي او اې ډيوه خبريال دی په سياسي، تعليمي، صحت او کلتور سره په ټولنيزو موضوعاتو وېب، رېډيو او ټيلي ويژن ته رپورټونه جوړوي او په ځانګړو موضوعاتو ليکل هم کوي. د کراچۍ د اردو پوهنتون د جرنلزم د څانګې نه يي د ماسټر ډګري ترلاسه کړې ده.​

  • 16x9 Image

    ابراهیم شینواری

    ابراهیم شینواری له 2006م کال راهیسې د پښتونخوا په خیبر ضلع کې د وي او اې ډیوه د خبریال په توګه کار کوي، چې د سیمې پر سیاسي، ټولنیزو او تجارتي موضوعاتو رپوټونه جوړوي. په پولیټیکل ساینس کې یې ماسټري کړې ده. شینواري په 1989م کال کې له (مسلم) ورځپاڼې څخه صحافت پیل کړی، بیا یې وخت په وخت له نیوز او ډان ورځپاڼو او بي بي سي پښتو سره هم کار کړی دی.

XS
SM
MD
LG