لاس رسیدونکی لینک

تازه خبر

پاکستان

"که عدالت د بې درکه کسانو پوښتنه و نه کړه نو خلک به بیا منظور پشتین ته ځي"

.
.

د پاکستان یو لوی څارنوال ساجد الیاس بټي د ورک شویو کسانو په اړه سترې محکمې ته د شورو یا چهارشنبې په ورځ په خپل یو وړاندې کړي راپور کې ویلي چې ۱۳۳۰ بې درکه کسان د امنیتي ادارو د پښتنو ګرویږنو په مرکزونو کې دي.

د پاکستاني رسنیو د راپور له مخې د اعجاز افضل خان په مشرۍ د قاضیانو یو درې کسیزه بېنچ ته دا راپور هم ورکړل شوی چې ۲۵۳ دا ډول بندیان خوشې شوې هم دي.

د مقدمې قاضیانو له څارنوال څخه پوښتنه وکړه چې د هغو مرکزونه په اړه چې د بې درکه خلکو په باره کې د معلوماتو په ورکولو کې یې همکاري نه ده کړې ایا د هغوي پرضد څه قانوني ګامونه پورته شویدي او کنه؟

د ورک شویو کسانو د کمیسیون وکیل انعام رحیم عدالت ته وویل چې امنیتي ادارې ورته نه د ورکو شویو کسانو په اړه راپور ورکوي او نه هم ددوي امر مني.

د پاکستان انګلیسي ژبې ورځپاڼه ټریبیون لیکي چې انعام رحیم ددغه کېس د راتلونکې په اړه خواشیني څرګنده او وویل:

(ستاسو (اعجاز افضل خان) له دندې تر تلو وروسته به د ورک شویو کسانو کورنۍ منظور پشتین ته د مرستې غوښتنې لپاره ورځي.)

دغه وکیل همدارنګه وویل، ختیځ پاکستان د هغې راهیسې جلا او ټوټه شوی له کومې راهیسې چې د خلکو ورکېدل پیل شویدي.

که څه هم په پاکستان کې تر اوسه پورې یواځې د ۱۳۳۰ ورکو شویو کسانو د بندې کېدو په اړه راپور خپور شو خو په دغه هېواد کې خپلواکې ادارې وايي چې ‌په پاکستان کې د ورک شویو کسانو شمېر تر یادې شمېرې څو برابره زیات دی.

د نادرکه کسانو د حقونو لپاره کارکونکی ماما قدیر په وي او اې ډیوې ته په خپلو مرکو کې ویلي، د بې درکو کسانو شمېره په زرګونو ده. ماما قدیر دا هم وايي چې یواځې ۵۰۰۰ بلوڅ زده کونکي نا درکه شویدي.

په پاکستان کې د منظور پشتین په مشرۍ د پښتون ژغورنې د غورځنګ له غوښتنو څخه یوه هم له حکومت او پوځ څخه د ورک شویو کسانو په اړه د معلوماتو غوښتنه کیږي.

د پښتون ژغورنې غورځنګ وايي، په پاکستان کې یواځې پښتانه تر ۳۰۰۰۰ زیات بې درکه شویدي او په خپلې هرې غونډه کې له چارواکو دا غواړي چې دا ورک کسان دې محکمو ته وړاندې شي او که کوم جرم پرې ثابت نشي نو باید هرو مرو خوشې کړای شي.

د نادرکه کسانو تور د پاکستان په استخباراتي ادارو لګول کیږي خو په عدالتونو کې د مقدمو په وخت د دغه هېواد استخباراتي ادارو استازو دغه تورونه نه مني.

See all News Updates of the Day

شمالي وزيرستان: هدفي پېښو کې د عيسايي په ګډون دوه کسان وژل شوي

د افغانستان سره په پوله د خېبر پښتونخوا ناارامه ضلعه شمالي وزیرستان کې په دوه بیلا بیلو هدفي پېښو کې د عيسايي لږکيو د غړي په ګډون دوه ‏کسان وژل شوي دي.‏

پولیس وايي دا دواړه پېښې د شمالي وزیرستان میر علي بازار کې تیره ورځ شوي چې پکې غريب مزدورکار، یو اشفاق مسیح او بل یو ځايي تن وژل شوي ‏دي.‏

‎په شمالي وزیرستان مرکز ميرانشا کې ځايي عيسایانو د اشفاق مسیح د جسد سره د پریس کلب مخې ته احتجاج کړی دی، د انصاف او د عیسایانو د ‏تحفظ غوښتنې یې کړي دي.‏

په شمالي وزیرستان کې د عیسایانو یو مشر خالد اقبال مسیح وویل چې په شمالي وزیرستان کې د عیسایانو د وژنې دا دویمه پېښه ده دې نه وړاندې تیر ‏کال میر علي عیدک سیمه کې د اشفاق مسیح بل ورور په هدفي برید کې وژل شوی وو.‏

هغه وویل دوی غوښتنه کوي یو خوا دا چې متاثره کورنۍ سره دې انصاف وشي عیسایان غریب مزدور خواريکښ چې زیاتره په سکولونو هسپتالونو او ‏دفترونو کې د صفایۍ کار کوي د دوی ژوند دې خوندي کړل شي. ‏

عیساییانو ورسته له هغې احتجاج ختم کړو چې ځايي حکومت د دوی غوښتنو منلو باور ورکړو خو احتجاج کوونکو وویل که دوی ته حکومت تحفظ نه ‏شي ورکولی دوی به علاقه پریږدي.‏

پي ټي ایم دا پېښه غندلې او پي ټي ایم د شمالي وزیرستان رابطې کار عید رحمان وزیر د دوی احتجاجي پرلت ته وینا پرمهال ویلي دغلته د یو منصوبې ‏سره د شمالي وزیرستان خلک وژل کیږي.‏

هغه ویلي دغلته که عیسايان دي، او که هندوان، د شمالي وزیرستان خلک دي او د دوی حق دې د نورو خلکو په څېر ومنل شي.‏

عید رحمان ویلي که عیسایانو ته تحفظ نه شي ورکولی دوی به سخت احتجاجونه وکړي.‏

تر دې مهال د دغه پېښې زمه واري چا نه ده منلې خو د شمالي وزیرستان د پولیسو مشر روخانزیب وايي دې پېښې پلټنې یې پیل کړي چې څوک په دې ‏پېښه کې ککړ وي سختې سزاګانې به ورکړل کیږي.‏

په شمالي وزیرستان کې د ضرب عضب پوځي عملیاتو وروسته په هدفي بریدونو کې د ځايي خلکو وژنې په چټکتیا سره روانې دي او ځايي خلک وايي تر ‏عملیاتو ورسته پکې سلګونو کسان وژل شوي دي.‏

د مې په ‏‎21‎مه شمالي وزیرستان کې د خبریال کامران داوړ په ګډون څلور کسان په هدفي پېښو کې وژل شوي وو.‏

پوځ: پښتونخوا کې پرون او نن دریو عملياتو کې د يو افسر په ګډون اووه پاکستاني پوځيان وژل شوي

د پاکستان پوځ وايي، پرون او نن په خېبرپښتونخوا صوبه کې درې عمليات شوي، د پوځ د يو کېپټن افسر، نايک، لانس نايک او حوالدار په ګډون پکې ‏اووه پوځیان وژل شوي او پوځ په عملیاتو کې د ‏‎23‎‏ "ترهګرو" وژلو دعوه کړې ده.‏

پوځ وايي، نن په ‏‎27‎مه مې د خېبر ضلعې په باغ علاقه کې د ترهګرو سره نښته شوې، پينځه پوځيان د کوهاټ ضلعې ‏‎32‎‏ کلن نايک محمد اشفاق بټ، د ‏پونچ ضلعې ‏‎30‎‏ کلن لانس نايک سید دانش افکار، د ليه ضلعې ‏‎32‎‏ کلن سپاهي تېمور ملک، د باغ ضلعې ‏‎22‎‏ کلن سپاهي نادر صغير او خوشاب ضلعې ‏‎23‎‏ ‏کلن سپاهي محمد ياسين پکې وژل شوي دي.‏

پوځ په نښته کې د اووه "ترهګرو" وژلو او دوو ژوبلېدو دعوه کړې ده.‏

د رپورټونو ترمخه ياده پېښه نن سهار وختي شوې او تحریک طالبان پاکستان یې زمه واري منلې ده.‏

پوځ ويلي هم نن د خېبرپښتونخوا په جنوبي ضلع ټانک کې عمليات شوي او لس "ترهګر" پکې وژل شوي دي. په دغو عملیاتو کې پوځ ته د تاوان اوښتو په ‏اړه څه نه دي ويل شوي.‏

د پوځي بيان ترمخه، پرون په ‏‎26‎مه مې د پېښور ضلعې په حسن خېل سيمه کې په استخباراتي عملياتو کې شپږ "ترهګر" وژل شوي او نښته کې کېپټن ‏حسن جهانګير او حوالدار شفيق الله هم وژل شوي وو.‏

د پوځ او وسله والو ترمنځ د جګړو ځايونو ته اکثره خبريالان نه پرېښودل کيږي او د پېښو د ځايونو نه د مرګ ژوبلې په اړه د پوځ یا د وسله والو ډلو دعوې ‏‏اکثره خپلواکه سرچينې تاييد کولی نه شي.‏

پينځه ورځې وړاندې د پاکستان پوځ ويلي وو، په هېواد کې د وروستیو وسلوالو بریدونو په تناظر کې یې د ‏‎21‎م اپرېل نه د بلوچستان صوبې د ږوب ضلعې ‏په سمبازه علاقه کې عملیات کړي، او "په تېره ‏میاشت کې ترسره شوو عملياتو کې ‏‎29‎‏ ترهګر وژل شوي دي، او په دغو عملياتو کې په ‏‎14‎مه مې مېجر بابر ‏خان وژل شوی وو ".‏

په اوومه مې د پاکستان د پوځ وياند لفټننټ جنرل احمد شریف چودري ويلي وو، روان کال امنیتي ځواکونو په ملک کې ټول ‏‎13,135‎‏ غټ واړه عمليات ‏کړي، ‏‎239‎‏ ترهګر یې وژلي او ‏‎396‎‏ يې نيولي دي، او هره ورځ د ‏‎100‎‏ پورې ‏عمليات کيږي، په دغو عملياتو کې ‏‎19‎‏ مهم ترهګر وژل شوي او نيول شوي هم ‏دي.‏

هغه زياته کړه، روان کال په دغو عملياتو کې دوه افسران او ‏‎60‎‏ پوځيان وژل شوي دي. وسله وال ځواکونه به د ملک څخه ترهګري ختموي او دا ‏‏کاميابه جګړه به د وروستي ترهګر د خاتمې پورې روانه وي.‏

هغه ويلي وو، د تیرو څو میاشتو راهسې ترهګر او سهولت کار یې په خېبرپښتونخوا او بلوچستان کې د امنیت خرابولو هڅې کوي، خو ‏امنیتي ادارې یې د ‏مخنيوي هڅه کوي.‏

د پاکستان پوځ او حکومت وايي، د کله نه چې په افغانستان کې طالبان واکمن شوي په پاکستان کې ناامني سېوا شوې او د افغانستان د خاورې نه ‏پاکستان کې ترهګري کيږي، خو په افغانستان کې واکمنو طالبانو د پاکستان دغه ډول دعوې تل رد کړي او وايي پاکستان دې د خپلې ناکامۍ زمه واري ‏په پاکستان نه لګوي.‏

پښتونخوا کې په دوو ورځو کې په پاکستاني پوځ دويم غټ بريد شوی، پینځه عسکر پکې وژل شوي

له افغانستان سره په پوله د خېبرپښتونخوا د خېبر ضلعې په لرې پرته تیراه سيمه کې د پاکستان د پوځ په چيک پوسته غټ وسله وال بريد شوی، لږ تر لږه ‏پينځه عسکر پکې وژل شوي دي. په بريد کې د پينځو وسله والو برید کوونکو وژلو هم ویل شوي دي.‏

امنیتي چارواکو وي او اې ته د بريد تاييد کړی او ويلي یې په بريد کې شپږ عسکر ژوبل شوي هم دي

د پاکستان پوځ په رسمي توګه د برید په اړه څه نه دي ويلي، خو تحریک طالبان پاکستان (ټي ټي پي) په تيراه کې د بريد زمه واري منلې ده.‏

وي او اې ډيوه په سيمه کې د پوليس چارواکو سره د بريد په اړه خبرې شوي خو پوليسو په ځواب کې ويلي، پوځ به د بريد په اړه رسمي بيان جاري کوي.‏

پرون د اتوار په ورځ د پېښور په حسن خېلو سيمه کې د وسله والو سره نښته کې د پوځ د یو افسر په ګډون دوه عسکر وژل شوي او د امنیتي ځواکونو په ‏ځوابي کارروايۍ کې د پینځو ترهګرو وژلو دعوه شوې وه، هم وژل شوي اؤ درې نور ژوبل شوي دي‎.‎

پوځ ويلي وو په برید کې د پوځ کیپټن حسن جهانګیر او یو حوالدار شفیق الله وژل شوي وو.‏

هم پرون بيا د پاکستان د کورنيو چارو وزير محسن نقوي ويلي وو، "د افغانستان سره ښې اړيکې غواړو خو دا په هغې صورت کې چې هغوی زمونږ سره ‏ملګرتيا وکړي او خپله خاوره د پاکستان پرضد ترهګرۍ دپاره کارېدو نه پرې نه ږدي، هغو ته به اقدامات کول دي".‏

د کورنيو چارو وزير محسن نقوي يو ځل بيا تکرار کړې، "بشام کې په چينايانو بريد تحريک طالبان پاکستان کړی وو، د افغانستان نه یې منصوبه جوړه ‏شوې وه، پاکستان دغه مسله افغانستان کې د عبوري حکومت سره راپورته کړې وه او په هغو ټينګار شوی وو چې هلته موجود ترهګر ودروي او پرضد یې ‏کارروايي وکړي خو تراوسه پورې د هغې کومې ښې نتيجې نه دي راغلي".‏

هغه ويلي، "مونږ په افغانستان کې د عبوري حکومت نه غوښتنه کوو، چې بختیار شاه، قاري عبدالله او خان لالا او په خصوصي توګه د ټي ټي پي مشر نور ‏ولي مسيد او د ملاکنډ کمانډر عظمت الله مسيد او نور مشران ونيسي، پرضد یې کارروايي وکړي يا یې پاکستان ته حواله کړي".‏

په ‏‎26‎م مارچ د خېبرپښتونخوا د شانګلې ضلعې په بشام کې د داسو ډېم په چينايي انجينيرانو ځانمرګی برید شوی، پينځه چينايي وګړي او پاکستانی ‏‏ډرايور یې پکې ‏وژل شوي وو.‏

هغه وخت تحريک طالبان پاکستان د دغه بريد څخه د لاتعلقۍ اعلان کړی وو.‏

په اوومه مې د پاکستان د پوځ وياند لفټننټ جنرل احمد شريف چودري په خبري کانفرنس کې د ياد بريد په اړه ويلي وو، ‏‎‏"په دغه بريد کې پينځه ‏چينايي او ‏‏يو پاکستانی وژل شوي او د دغه بريد منصوبه بندي هم په افغانستان کې شوې، خودکش بمبار هم افغان وګړی ‏وو، پاکستان د دغو پېښو په ‏کلکه غندنه ‏‏کوي".‏

د پاکستان د پوځي وياند دعوې ته په ځواب کې په افغانستان کې د واکمنو طالبانو د دفاع وزارت وياند عنايت الله خوارزمي دغه تورونه رد کړي او ويلي ‏‏‏يې وو، د خېبرپښتونخوا په يوه داسې سيمه کې، چې "د پاکستان د پوځ د کلک امنيت لاندې ده، د چينايانو وژل کېدل د پاکستاني امنيتي ‏ارګانونو ‏‏‏کمزوري او یا هم له حمله کوونکو سره همکاري په ډاګه کوي". ‏

محسن نقوي پرون په ‏‎26‎مه مې د ترهګرۍ ضد ادارې (نېکټا) د چارواکو سره په ګډه خبري غونډې ته ويلي، "مونږ په خپلو پولو امنيتي اقدامات سېوا کړي ‏خو بيا هم ترهګر په څه نه څه طريقه راتلو کې کاميابيږي، پاکستان خبر دی چې د دې په شا کوم قوتونه دي چې زمونږ او چین اړيکې خرابول غواړي".‏

هغه زياته کړې، "دغه قوتونه په افغانستان کې د عبوري کمزوري حکومت څخه ګټې پورته کوي، په پوله پرتو علاقو کې د ټي ټي پي په څېر ترهګرو ته ‏ملاتړ ورکول کيږي او د هغې زمونږ سره ګڼ شواهد موجود دي، ټي ټي پي د پاکستان پرضد کارول کيږي".‏

په وروستیو کې ملګرو ملتونو د افغانستان د امنيت په اړه رپورټ کې ويلي، طالبان د القاعده سره نزدې اړيکې لري، او دغه ترهګره نېټ ورک په ‏افغانستان کې نوي تربيتي مرکزونه جوړ کړي، ټي ټي پي ته اسانتياوې برابروي چې د پولې پورې غاړې ته د پاکستان ضد بريدونه وکړي.‏

‎راتلونکو دوه ورځو کې به د پاکستان په زياتو مېداني علاقو کې سخته ګرمي وي

PAKISTAN-WEATHER-HEAT
PAKISTAN-WEATHER-HEAT

د پاکستان د موسمياتو محکمې ويلي، راتلونکو دوه ورځو کې به د ملک په زياتره مېداني علاقو کې د ګرمۍ/ تودوخې سخته څپه وي.‏

د موسمياتو محکمې ويلي، د اتوار/ یکشنبې په ورځ د سيند صوبې په موهنجوداړو کې د تودوخې کچه يا درجه حرارت تر ټولو زيات ‏‎53‎‏ سنټي ګرېډه ريکارډ ‏کړل شوی دی.‏

ويل شوي د سيند او پنجاب صوبو په څو سيمو کې د ‏‎47‎‏ نه تر ‏‎53‎‏ سنټي ګرېډه پورې ګرمي ريکارډ کړل شوې ده.‏

د موسمياتو محکمې نن د ګل/ دوشنبې په ورځ هم په مېداني علاقو کې د سختې ګرمۍ وړاندوینه کړې. د رپورټونو ترمخه، د خېبرپښتونخوا په جنوبي ضلعو کې ډېره ګرمي ريکارډ شوې ده.‏

د اتوار/یکشنبې په ورځ ډېره اسماعيل خان کې ‏‎44‎‏ او بنو کې ‏‎43‎‏ سنټي ګرېډه ګرمي ریکارډ شوې او دغه ډول د صوبې نورې جنوبي سيمې به هم د سختې ‏ګرمۍ د څپې لاندې وي.‏

خو د موسمياتو محکمې په بره دير، سوات، مانسهره او کوهستان کې د سيلۍ او باران امکان څرګند کړی دی.‏

د موسمياتي بدلون او ماحولياتو رابطه کار وياند محمد سليم شېخ ويلي، د تودوخې د څپې په اړه ولس پوهاوي ته اړتيا لري.‏

هغه ويلي، په نړيواله کچه د موسمي بدلون له امله پاکستان په وروستيو کلونو کې د سختې ګرمۍ سره مخ دی.‏
د نوموړي په خبره، خلک دې په ګرمۍ کې د سهار د لسو بجو نه درېو بجو پورې بې د ضرورته بهر د ګرځېدو څخه ډډه وکړي، او په ځانګړي ډول حامله ‏ښځې د سختۍ ګرمۍ څخه زیاتې اغېزمندی شي ځکه حامله ښځې دې په زياته ګرمۍ کې بهر ونه ګرځي.‏

د سرکاري خبري ادارې (اې پي پي) ترمخه د امریکا د ناروغيو د کنټرول او مخنيوي مرکز په مطالعاتو کې ويل شوي، حامله ښځې د غېر حامله ښځو په ‏مقابله کې د ګرمۍ د ستړيا، تودوخې او نورو ناروغو د ښکار کېدو زیات امکان لري.

ځکه حامله ښځې په ګرمۍ کې بايد زياتې اوبه وڅښي، په يخ ځای ‏کې پاتې شي او ارتې جامې واغوندي.‏

ګنډاپور د امنيت او بجلۍ په مسله د مرکزي وزيرانو سره ليدلي

KPK CM meeting with Interior Minister
KPK CM meeting with Interior Minister

د خېبرپښتونخوا وزيراعلا صوبه کې د امنيت او بجلۍ په مسله د مرکزي وزيرانو سره ليدلي، او په ګډه د مسلو په هوارولو یې اتفاق کړی دی.‏

د پاکستان د کورنيو چارو وزارت ويلي، علي امين ګنډاپور د کورنيو چارو وزارت ته ورغلی، د کورنيو چارو مرکزي وزير محسن نقوي او توانايۍ مرکزي ‏وزير اوېس لغاري سره یې ليدلي دي.‏ ويل شوي په ليدنه کې په صوبه کې روانو حالاتو باندې خبرې اترې شوي او صوبه کې د لوډشيډنګ او بجلۍ په اړه نورو مسلو باندې پرمختګ شوی دی.‏

د کورنيو چارو وزارت ترمخه، مرکزي وزيرانو د خېبرپښتونخوا وزیراعلا د معاملاتو په ګډه حل کولو باندې اتفاق کړی دی، او نن د ګل/ دوشنبې په ورځ ‏بيا د ليدو پرېکړه شوې ده.‏

د خېبرپښتونخوا وزيراعلا پرون ‏‎ ‎‏(د ځانګړو پانګونو د سهولت کارۍ کونسل/ اېس آی اېف سي) غونډه کې د ګډون وروسته ويلي وو، د کورنيو چارو او ‏توانايۍ د وزير سره به ويني.‏

له دې وړاندې د خېبرښتونخوا حکومت دعوه کړې وه وزيراعلا يادې غونډې ته نه دی وربلل شوی او په مرکزي حکومت یې سختې نيوکې کړې وې.‏ او د جمعې په ورځ بيا علي امين ګنډاپور په خپله مطبوعاتو سره خبرو کې ويلي وو،"د خپل حق په اخېستلو پوهیږو،15 ورځې وروسته به درته وویم چې ‏صوبه د چا ده، بټن د چا ده او بجلي د چا ده".‏

هغه ويلي وو، "د هغوي (مرکزي حکومت) رویه په مونږ هیڅ فرق نه پرېباسي ، د خپلې صوبې په حقونو به هیڅ جوړ جاړي ته غاړه کښېنږدو".‏

نوموړي زياته کړې وه، "د مرکزي حکومت نه به د خپلې صوبې حساب اخلو او که حق را نه کړل شو بيا به د ‏صوبې خلک د مرکزي حکومت خلاف غږ پورته ‏کوي، بيا به مونږ تحریک چلوو".‏

په خېبرپښتونخوا کې د پاکستان تحریک انصاف او مرکز کې د پاکستان مسلم ليګ او اتحاديانو ګډ حکومت دی.‏ او د کله نه چې په صوبه کې د پاکستان ‏تحریک انصاف ګوند حکومت جوړ شوی په ځانګړي ډول مرکزي حکومت باندې د بجلۍ په لړ کې سختې نيوکې کوي چې صوبې ته یې بجلي نه ورکوي.

نور کتل

ځانګړې ویډیوګانې

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:59 0:00
XS
SM
MD
LG