د نقيب الله مسيد د کورنۍ وکيل وايي د ترهګرۍ پرضد د کراچۍ د عدالت د دې فېصلې پرضد به تر سترې محکمې لاړ شو په کومه کې چې د راؤ انوار د خوشي کېدو امر شوی دی.
د کراچۍ د ترهګرۍ د مخنيوی عدالت نمبر دوېم نن د خالي، شنبې په ورځ د نقيب الله مسيد په وژنه تورن بندي راؤ انوار په ضمانت د خوشي کولو امر کړی دی.
د نقيب مسيد د کورنۍ وکيل څه وايي؟
د نقيب الله مسيد د کورنۍ وکیل صلاح الدين پهنور وي او ای ډيوه رېډيو سره په خبرو کې وويل، دوی د سندهـ صوبې سترې محکمې (سندهـ هائيکورټ) ته خواست کړی ؤ چې ياده مقدمه دې د ترهګرۍ د مخنيوي عدالت نه کوم بل عدالت ته منتقل کړی ځکه چې د نقيب د کورنۍ نور په ياد عدالت باور نه دی پاتې.
د ترهګرۍ د مخنيوي عدالت د روانې مياشتې په ۱۰م نېټه د نقيب مسيد په وژنه تورن د کراچۍ د ملير ضلعې د پخواني پوليس مشر راؤ انوار ضمانت منظور کړی ؤ.
د عدالت د بدلولو خواست
د صلاح الدين په وېنا دوی په ۱۶م جولايۍ د صوبې سترې محکمې ته خواست کړی چې دغه مقدمه دې د ترهګرۍ د مخنيوي د ياد عدالت نه بل ته منتقل کړی شي.
د نقیب مسيد د کورنۍ وکيل د راؤ انوار د ضمانت منظورېدو وروستو ډیوه سره په خبرو کې ویلي ؤ دوی نور د دغه عدالت د اورېدنې څخه بائيکاټ کوي هغه تور لګولی ؤ دغه عدالت په اورېدنه کې تعصب کوي.
نوموړی وايي دوی د لومړي ضمانت د منظورېدو وروستو د ترهګرۍ د مخنيوي عدالت ته هغه خواست هم وړاندې کړی ؤ چې دوی سترې محکمې ته کړی ؤ چې عدالت دې بدل کړی شي.
خو ښاغلی وکيل وايي د ترهګرۍ د مخنيوي عدالت په داسې حال کې بيا پرېکړه نه شي کولي خو پرون د جمعې په ورځ د راؤ انوار بل ضمانت يې منظور کړو او نن يې د خوشي کولو امر هم وکړو.
په عدالت د تعصب تور
نوموړي وکيل وويل د ترهګرۍ د مخنيوي په عدالت کې د دوی سره تعصب شوی او د لومړۍ ورځې نه چې راؤ انوار به په هتکړو کې نه راوستل کېدو او د ملزم په رنګ د سلوک پر ځای به ورته عزت ورکولی شو د دغه عمل پرضد هم عدالت د دوی خواست نه دی اورېدلی.
د راؤ انوار دريځ
خو بل لور ته راؤ انوار د خپل لومړي ضمانت د منظورېدو رسنيو په خبرو کې ويلي ؤ په ضمانت خوشحاله دی او زياته یې کړه نن ثابته شوه چې هغه بې قصوره ؤ اود بدنیتۍ په اساس په هغه مقدمه درج کړی شوې وه.
هغه ويلي ؤ په ۹۹ ګواهانو کې يو هم په قضيه کې د هغه نوم نه دی اخستی. راؤ انوار ویلي ؤ په وخت راتلو به دا هم اووايي چې هغه په دې قضيه کې چا ګېر کړی ؤ.
د نقيب مسيد په مقابله کې د وژنې پېښه
د کراچۍ د ملیر ضلعې د پولیسو په پخواني مشر راؤ انوار تور دی چې د روان کال د جنورۍ په ۱۳مه نېټه يې د جنوبي وزیرستان ۲۷ کلن زلمی نقیب الله مسيد سر د درېو کسانو د کراچۍ په شاه لطيف ټاؤن سيمه کې په يوه جعلي مقابله کې وژلی ؤ.
د يادې پېښې پلټونکې د پوليس د لوړ پوړو افسرانو يوې کمېټۍ په خپل راپور کې منلې وه چې نقيب مسيد په جعلي مقابله کې وژل شوی ؤ.
راؤ انوار او د هغه سره په پوليس ډله باندې د نقيب مسيد پلار د وژنې مقدمه درج کړې وه.
راؤ انوار د مارچ په مياشت کې ځان عدالت ته وړاندې کړی او هغه د مې په مياشت کې عدالت ته په ضمانت د خوشي کېدو خواست کړی ؤ.
د سترې محکمې مشر قاضي میا ثاقب نثار د نقيب مسيد د وژنې خپل ځاني خبر (از خود نوټس) اخيستی ؤ.
