لاس رسیدونکی لینک

Breaking News

نوښار کې پښتنه سندرغاړې رېشما وژل شوې


رېشما خان

د خېبرپښتونخو اپه نوښار سیمه کې د سټېج پښتنه سندرغاړې او ماډله رېشما خان د هغې خاوند په ډزو وژلې ده.

د نوښار ضلعې د کلا سيمې د پوليس مشر (اېس اېچ او) مسعود وایس اف امريکا ډیوه سره په خبرو کې پخلی وکړو چې دغه پېښه پرون د نهې، سه شنبې په ورځ مازيګر ناوخته رامنځته شوې ده.

نوموړي وويل د کلا تاڼې په وتړ علاقه کې فايد نومې تن چې د رېشما خاوند دی، په رېشما ډزې کړي او وژلې يې ده.

هغه وويل فايد د موقعې نه تښتېدلی د نیولو دپاره یې هڅې يې روانې دي.

د پوليس افسر په وېنا فايد د څلورو ښځو خاوند دی او رېشما د شخصي کورنۍ لانجې په سر ويشتې ده.

د ځايي پوليسو په وېنا د رېشما ورور عبېدالله د فايد پرضد مقدمه کړې ده.

پوليس ویلي رېشما څو مياشتې وړاندې واده شوې او بچي يې نه ؤ.

رېشما خان نزدې ۲۲ ساعته وړاندې په فېس بک يوه سندره شريکه کړې او ورته يې ليکلي (زما د نوي ماډلنګ سندره).

په خېبرپښتونخوا کې دا لومړی ځل نه دی چې کومه سندرغاړې يا هنرمنده وژل شوې له دې وړاندې هم دغه ډول پېښې رامنځته شوي دي.

د روان کال فرورۍ په مياشت کې په مردان کې د سټېج او سي ډي ډرامو هنرمنده سمبل په ډزو وژل شوې وه.

  • 16x9 Image

    فضل عزیز

    فضل عزیز په کراچۍ ښار کې د ‌‌‌‌‌‌وي او ای ډيوه خبریال دی، د روزانه رپورټونه نه علاوه هغه په ځانګړي موضوعاتو لیکل هم کوي. هغه داردو پوهنتون نه په ژورنلزم کې د ماسټرۍ ‌‌‌‌‌‌ډګري اخستې ده.

XS
SM
MD
LG