لاس رسیدونکی لینک

Breaking News

له پاکستان پرته افغانستان او نورو اکثرو اسلامي هېوادونو نن اختر کړی


نن نږدې دوه میلیونو مسلمانانو په سعودي عربستان کې د حج مراسم بشپړ او لوی اختر یې سره ولمانځه.

د افغانستان په ګډون د اسلامي نړۍ اکثرو هېوادونو اختر کړی او مسلمانان د اختر خوښي لمانځي خو د پاکستان حکومت چې اکثره وخت له اسلامي نړۍ سره یوځای اختر نه کوي نن بیا هم اختر نه دی کړی.

پاکستان به سبا یعنې د شورو یا چهارشنبې په ورځ اختر کوي.

په پاکستان کې پښتانه تل دا ګیله کوي چې که دوی میاشت وویني هم نو بیا هم د پاکستان د رویت هلال کمېټه پرې باور نه کوي او یا یې ورسره نه مني.

له همدې امله په پاکستان کې افغان کډوال او د پښتنو په یو شمېر هغو سیمو کې چې د ډیورند د کرښې په اوږدو کې پرتې دي اکثره پښتانه اختر لمانځي.

د بیلګې په توګه په مومندو، باجوړ، شمالي وزیرستان او د خیبرپښتونخوا ډیري خلکو نن اختر کړی.

په اروپا او امریکا کې هم مسلمانان له سعودي عربستان سره په یوه ورځ روژه نیسي او په یو ورځ اختر کوي.

XS
SM
MD
LG