لاس رسیدونکی لینک

تازه خبر

د لنډي کوتل دوه تنه د کانګو ناروغۍ وژلي، په سیمه کې ډينګی هم زيات شوی


د قبايلي ضلعې خېبر په لنډي کوتل سیمه کې دوه تنه د کانګو ناروغۍ وژلي دي، بل لور ته په جمرود کې نزدې ۱۰۰ کسان د ډينګي د ناروغۍ ښکار شوي دي.

د خېبر د ډاکټرانو په وېنا د کانګو له امله دواړه تنه د لنډي کوتل د پيرو علاقې سره تعلق لري چې پکې ۲۰ کلن سلمان په اسلام اباد کې په شفا انټرنيشنل روغتون کې ژوند د لاسه ورکړی دی او بل ۳۰ کلن خان حېدر نن د پېښور په خېبرټيچنګ روغتون کې د درمنلې په مهال مړ شوی دی.

د لنډي کوتل د روغتون مشر ډاکټر خالد جاوېد وايس اف امريکا ډيوه سره په خبرو کې وويل، سلمان د اختر په ورځ تبې نيولی او د ابتدايي درمنلې وروستو د اسلام اباد روغتون ته لېږل شوی ؤ.

ډاکټر خالد وويل سلمان د جمعې په شپه د کانګو ناروغۍ له امله په روغتون کې ساه ورکړې ده.

هغه وويل درې ورځې وړاندې د پيروخېل ۳۰ کلن خان حېدر چې د سلمان نزدې ملګری ؤ هغه د سختې تبې نه د پېښور خېبرټيچنګ روغتون ته لېږل شوی هلته يې درملنه روانه وه او نن يې ژوند د لاسه ورکړی دی.

نوموړي وويل د خان حېدر د ناروغۍ اثرات هم د کانګو په شان ؤ خو زياته یې کړه د کانګو په اړوند کره رپوټ به سبا مخې ته راځي.

هغه وويل په پيروخېل کې د کانګو د اندېښنې له کبله نزدې د ۱۵۰ پورې کسانو هره ورځ طبي معاينه کيږي.

سږ کال په کراچۍ کې هم د کانګو په ۱۱ ناروغانو کې څلور مړه شوي او د کراچۍ د جناح روغتون د مشرې ډاکټرې سيمې جمالي په وېنا دا وخت په روغتون کې د درېو ناروغانو درملنه روانه ده چې پکې د دوه ناروغانو تعلق د کوټې سره دی.

د روغتيا د پوهانو په وېنا کانګو وايرس د څارؤ نه انسانانو ته انتقاليږي. او د دې ناروغۍ غټې نخښې سخته تېزه تبه، د سر او هډوکو دردونه او د پوزې نه وينې بهېدل دي.

په خېبر کې ډينګی ماشی په زياتېدو دی

د جمرود د روغتون د شمېرو ترمخه تراوسه پورې په روغتون کې د ۱۰۰ پورې داسې ناروغان روغتون ته راوړل شوي چې د ډينګي ماشي چيچلي دي.

د ځايي خلکو په وېنا تېر کال په سيمه کې د ډينګي په ماشي ختمولو پام نه ؤ شوی ځکه سږ کال ماشي ډېر شوي او د خېبر ټي ټي بازار، نوې ابادي او شاکس علاقې يې ډېرې اغېزمنې کړي دي.

خو ځايي انتظامیه وايي دوی په يادو علاقو کې د خلکو خبرولو دپاره کمپاين پېل کړی او ۱۴۴دفعه يې لګولې چې خلک پاکې اوبه ښکاره پرې نه ږدي او په دې سرغړونه يې درې تنه بندي کړي هم دي.

د انتظامي چارواکو په وېنا ۹۰ ټيمونه جوړ کړی شوي په جمرود، لنډي کوتل او باړه کې ګرځي خلک د ډينګي څخه خبروي.

  • 16x9 Image

    ابراهیم شینواری

    ابراهیم شینواری له 2006م کال راهیسې د پښتونخوا په خیبر ضلع کې د وي او اې ډیوه د خبریال په توګه کار کوي، چې د سیمې پر سیاسي، ټولنیزو او تجارتي موضوعاتو رپوټونه جوړوي. په پولیټیکل ساینس کې یې ماسټري کړې ده. شینواري په 1989م کال کې له (مسلم) ورځپاڼې څخه صحافت پیل کړی، بیا یې وخت په وخت له نیوز او ډان ورځپاڼو او بي بي سي پښتو سره هم کار کړی دی.

  • 16x9 Image

    فضل عزیز

    فضل عزيز په کراچۍ کې د وي او اې ډيوه خبريال دی په سياسي، تعليمي، صحت او کلتور سره په ټولنيزو موضوعاتو وېب، رېډيو او ټيلي ويژن ته رپورټونه جوړوي او په ځانګړو موضوعاتو ليکل هم کوي. د کراچۍ د اردو پوهنتون نه يې د جرنلزم او کراچۍ پوهنتون نه يې د نړيوالو اړيکو د ماسټرۍ ډګريانې ترلاسه کړي دي.​

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG