لاس رسیدونکی لینک

Breaking News

راشد خان اؤ نبي عیسي خیل دنړۍ دلمړي اؤ دوهم غوره لوبغاړي ویاړ ګټلی


دافغانستان دکرکټ دوو وتلو لوبغاړو راشد خان اؤ نبي عیسي خیل دکرکټ په نړیوالو پنځوس اوریزو لوبو کې لمړی اؤ دوهم مقام خپل کړی دی.

دکرکټ نړیوالې شورا اوس اوس د نړۍ دغوره لوبغاړو یو نوملړ خپور کړی چې په دغه نوملړ کې په پنځوس اوریز نړیوال کرکټ کې راشد خان لمړنی اؤ نبي عیسي خیل ته د دوهم غوره ال راونډر مقام ورکړل شوی .

راشد خان اؤ نبي عیسی خیل دکرکټ په نړیوالو شل اوریزو لوبو کې هم د لمړي اؤ درهم غوره ال راوړنډر ویاړ په غاړه لري.

راشد خان په کال ۱۹۹۸ کې دافغانستان دختیز ولایت ننګرهار په سرښار جلال اباد کې زیږیدلی اؤ دکډوالۍ زیات وخت یې په پاکستان کې تیر کړی دی.

په کال ۲۰۱۵م کې هغه د زمبابوی په ضد دافغانستان دملي کرکټ لوبډلې لخوا په لمړي ځل نړیوال کرکټ کې لوبیدلی ؤ.

دکرکټ دنړیوالې شورا په درجه بندۍ کې دلمړي مقام ترلاسه کولو نه وړاندې د ايي پي ایل په لوبو کې دهغه خدمات په نهه کروړه روپۍ اخستل شوي وؤ.

محمد نبی په ۱۹۸۵ کال کی د لوګر په ولایت کی زیږیدلی او په ۲۰۰۹ کال کې یې خپله لومړنۍ ملی لوبه د سکاټ لینډ دکرکټ لوبډلې په وړاندې پر ضد کړې وه

په ۲۰۱۳ کال کی محمد نبی د بنګلادیش په کرکټ لیګ کی د سیلهیت رویالز په لوبډله کی ولوبیدو او دیرې ښې لوبې یې نندارې ته وړاندې کړې.

XS
SM
MD
LG