دپاکستان دبهرنیو چارو وزیر شاه محمود قریشي دیو لوړ پوړي پلاوي په مشرۍ دیکشنې په سحر دافغانستان پلازمینې کابل ته رسیدلی اؤ ټاکل شوې ده دغلته به دچین اؤ افغانستان چارواکو سره دافغان سولې په اړوند خبرې اترې وکړي.
سرچینې وایي دکابل په صدارتي ماڼۍ یا ارګ کې نن دچین،افغانستان اؤ پاکستان درې اړخیزه غونډه راجوړیږي چې پکې به دریواړو هیوادونو دبهرنیو چارو وزیران افغانستان کې دسولې،پرمختګ اؤ ثبات په اړوند خیالات تبادله کوي.
دافغانستان طلوع ټيلي ویژن ویلي ددغو درې اړخیزه خبرو عمده ټکي به طالبانو سره دافغان دولت خبرې وي اؤ په دې خبره به غور کیږي چې څنګه باید طالبان دخبرو میز ته کښېنول شي.
دپاکستان دبهرنیو چارو ددفتر ویاند ډاکټرمحمد فیصل په ټوئټر لیکلي چې دبهرنیو چارو وزیر شاه محمود قریشي به درې اړخیزه غونډه کې دګډون ترڅنګ دکابل په سفر کې دچین اؤ افغانستان لوړ رتبه چارواکو سره لیدنې هم کوي.
دپاکستان لخوا کابل ته په رسیدلي پلاوي کې دپاکستان د بهرنیو چارو سکتره تهمینه جنجوعه اؤ نور لوړ پوړي چارواکي هم شامل دي.
ارګ کې دچین،پاکستان اؤ افغانستان دا درې اړخیزه غونډه په داسې مهال راجوړیږي چې په دې وروستیو کې افغان دولت اؤ امریکا طالبانو سره دسولې هڅې چټک کړي اؤ دپاکستان وزیراعظم عمران خان یوه ورځ له مخه ویلي وؤ چې پاکستان دامریکې اؤ طالبانو ترمینځ خبرې اترې هم کړي دي.
په کابل کې تر دې وړاندې تیرکال هم دچین،پاکستان اؤ افغانستان دچارواکو ترمینځ درې اړخیزه غونډه شوې وه چې پکې دپاکستان پخواني وزیراعظم میانوازشریف دپاکستان استازیتوب کړی ؤ .
دپاکستان وزیراعظم عمران خان وایي چې هغه نه دامریکې صدر ټرمپ د یو لیک دلارې غوښتنه کړې ده چې دطالبانو افغان دولت سره خبرو ته کښېنولو کې مرسته وکړي اؤ پاکستان به امریکا سره بشپړه مرسته کوي.
