لاس رسیدونکی لینک

Breaking News

په شر اؤ فساد خورولو خادم حسین رضوي زندان ته واچول شو


په پاکستان کې دیوې سخت دریځه مذهبي ډلې تحریک لبیک مشر علامه خادم حسین اؤ دهغه درې نور مهم ملګري دپاروونکو ویناګانو اؤ دشر اؤ فساد خورولو په دوسیه کې زندان ته لیږل شوي.

په خادم حسین رضوي اؤ دهغه په نورو ملګرو پیرافضل قادري،علامه اعجاز اشرفي اؤ علامه فاروق الحسن تورونه دي چې تیرکال یې دسترې محکمې لخوا دعیسوي میرمنې اسیه بي بي د خوشې کولو دپاره پرېکړې په ضد زرګونو خلک اړي ګړي ته هڅولي وؤ.

د سه شنبې په ورځ دغه سخت دریځه مذهبي مشران په لاهور کې د ترهګرۍ دمخنیوي ځانګړې محکمې ته وړاندې کړل شوي چې په دغه موقعه دمحکمې مخې ته د هغوئ د ډلې په شلګونو کسانو دهغوئ په پلوۍ اؤ دحکومتي اؤ عدالتي پرېکړو په ضد شعارونه ورکړي.

سرچینې وایي محکمې ته د علامه خادم حسین رضوي اؤ دهغه دملګرو وړاندې کولو پرمهال سخت امنیتي تدابیر نیول شوي وؤ اؤ په سوؤنو پولیسو اؤ استخباراتي مامورینو دمحکمې شا وخوا څارنه کوله.

دتحریک لبیک مشر علامه خادم حسین اؤ نور مشران د تیرکال په وروستیو کې وروسته له هغې نیول شوی چې په اسلام اباد کې یې د زرګونو سخت دریځو په ملاتړ یو پرلت مات کړو اؤ پردغه مهال ددغه ډلې په سوونو فعالین سړکونو ته راووتل،دولتي ودانیو،ګاډو اؤ دفترونو ته یې د زیان رسولو ترڅنګ عام خلک وټکول.

هغوئ د سترې محکمې په دې پرېکړه احتجاج کولو چې ولې یې عیسوي میرمنه اسیه بي بي د مذهب دسپکاوي د جرم نه پاکه ګرځولې اؤ دهغې د خوشې کولو امر یې کړی.

محکمې ته د یادو کسانو د وړاندې کولو وروسته هغوئ په جوډیشل ریمانډ د دوؤ اوونیو دپاره زندان ته لیږل شوي.

XS
SM
MD
LG