پاکستان کې پرله پسې په دویمه ورځ هم دپاکستاني روپۍ په مقابله کې د ډالر نرخ ختلی اؤ دجمعې په ورځ دبانکونو دننه یو ډالر په ۱۴۹ روپو اؤ ۳۰ؤ پیسو اؤ په خلاص مارکیټ کې په ۱۵۰ روپو تبادله شوی دی.
څیړنکي وایي د نړیوالې مالیاتي ادارې ایم ایف سره د دپور د تړون نه راپدیخوا ددې هیواد په تاریخ کې دالمړی ځل دی چې د ډالر نرخ دومره لوړې کچې ته رسیدلی دی .
تیره ورځ هم د ډالر نرخ پینځه نیمې روپۍ سیوا شوی ؤ اؤ په بانک کې یو ډالر په ۱۴۷ روپو تبادله شوی ؤ.
دجمعې په ورځ دپاکستان د ونډو په بازار کې هم کاروبار په ښکته تللی اؤ ۱۰۰ انډیکسه د۶۴۸ؤ پوائنټونو په کمیدو سره د ۳۳زره اؤ ۳۲۲ کچې ته راغلي دي.
په پاکستان کې د بهرنيو پېسو د بدلوؤنکو د اتحاديې مشر ملک بوستان وايي چې په مارکيټ کې د ډالر بره ښکته تلل د رسد او طلب سره تعلق ساتي او دا چې د نړيوالې مالياتي ادارې (ايي اېم اېف) سره د لوظنامې وروسته دا ويره څرګنده شوې چې د روان کال دسمبر ۲۰۱۹ پورې به د روپۍ قدر د ۱۵ نه تر ۲۰ فيصده پورې نور راکم شي.
تیره ورځ یو شخصي ټي وي سره خبرو کې ملک بوستان ویلي وؤ د پاکستان د بهرنۍ زر مبادله ذخيره کمه ده او دا به د وخت نه وړاندې وېنا وي چې کله به حالات سم شي.
ځينې اقتصاد پوهان په دې نظر دي چې د ايي اېم اېف سره د قرض يا پور په سر شوي ټول شرطونه لا ډېر په ډاګه نه دي او د دغو شرطونو په څرګند ډول ښکاره کېدو پورې د پانګه والو اعتماد نه په ځای کېږي.
