لاس رسیدونکی لینک

Breaking News

د اسامه بن لادن په مالومولو تورن ډاکټر شکيل د قضيې اورېدو دپاره عدالت د 22 اکتوبر نېټه ورکړه


Shakeel Afridi

پېښور هايکورټ د ډاکټر شکیل افريدي د قضيې اورېدو دپاره د روانې میاشتې اکتوبر ۲۲ (22) نېټه ورکړې ده، د افريدي وکيل ويلي د اېډوکېټ جنرل په خواست د اورېدنې دپاره بله نېټه ورکړل شوه.

د د القاعده د مشر اسامه بن لادن په مالومولو تورن ډاکټر شکيل افريدي وکیل قمر نديم افريدي وي اوای ډیوه سره په خبرو کې وويل د ډاکټر شکیل د قضيې اورېدنه نن بيا ونه شوه په عدالتي کارروایۍ کې د اورېدنې دپار بيا بله نېټه ورکړی شوه.

هغه وویل د پېښور هایکورټ مشر قاضي وقار احمد سېټهـ د اورېدنې په مهال وويل هغه غواړي چې دا قضيه وشي او زر تر زره د پخوانۍ فاټا کېسونه ختم شي.

هغه زياته کړه اېډوکېټ جنرل د قضيې د اورېدنې دپاره د بلې نېټې دپاره خواست او منتونه کول چې هغوي تياري نه ده کړې او اوږد تاريخ يې غوښتو خو عدالت د بلې اورېدنې دپاره د اکتوبر ۲۲ م نېټه وټاکله.

نديم افريدي دا هم وويل دوي تمه لري چې په راتلونکې نېټه به فېصله د دوي په حق کيږي.

خو اېډوکېټ جنرل شمايل بټ وايي عدالت په دې قضيه کې بله نېټه ورکړه او حکومت عدالت ته خواست وکړو چې په پخوانۍ فاټا کې د اېف سي ار قانون لاندې د قضيو اورېدنه کېدله اوس به هغه څنګه کيږي.

وي او ای سره په خبرو کې هغه وويل دوي د عدالت نه وغوښتل چې د پخوانۍ فاټا د قضيو اورېدنه به څنګه او د کوم قانون لاندې کیږي. دا قضيې به مخکې څنګه ځي؟ چې عدالت دې اول د دې تشريح وکړي د هغې وروسته به نورې اورېدنې کيږي.

ډاکټر شکيل افريدی د پاکستان د خېبرپښتونخوا په اېبټ ښار کې د القاعده ډلې د وژل شوي مشر اسامه بن لادن په مالومولو کې د امریکايي استخباراتي ادارې (سي ائي ای) سره په مرستو تورن دی.

خو نوموړی ډاکټر د يوې تندروه ډلې لشکر اسلام د ملاتړ په تور نيول شوی او په دغه تور پرې مقدمه درج شوې او عدالت هغه ته د قبایلي سیمو د پخواني ځانګړي قانون اېف سي آر په بنیاد ۳۳ کاله سزا واوروله، چې وروسته یې بیا په سزا کې لس کاله کمی اعلان شو.

ډاکټر شکيل دا وخت د پنجاب صوبې د ساهېوال ضلعې په زندان کې دی او د روان کال د مې په مياشت کې يې اته کاله په بنديوانۍ کې پوره شو.

XS
SM
MD
LG