د پاکستان د سيند صوبې په ترپارکر او نورو علاقو کې د تندر پرېوتو په پېښو کې لږ تر لږه ۲۰ تنه مړه شوي او څور نور ژوبل شوي دي.
د سيند صوبې په ترپارکر، سانګړ او خواوشاه علاقو کې پرون ناوخته تېز باران شوی او تندرونه ورسره پرېوتي دي.
ځايي ميډيا وايي د تندرنو پرېوتو په پېښو کې لږ تر لږه ۲۰ تنه مړه شوي چې پکې ماشومان او ښځې هم شامل دي.
ويل شوي په يادو پېښو کې د ۳۰ نه زيات کسان ژوبل شوي دي.
د دې ترڅنګ د تندرونو پرېوتو په پېښو کې ګڼ شمېر څاروي هم مړه شوي دي.
د سيند صوبې د ترپارکر او سانګړه سره په ميرپورخاص، سکهر او ګوټکي کې هم تېز بارانونه شوي او عادي ژوند يې اغېزمن کړی دی.
په ځانګړي ډول د سيند صوبې ترپارکر هغه علاقه ده چرته چې بارانونه ډېر کم کيږي.