لاس رسیدونکی لینک

تازه خبر

په کراچۍ کې جينکو ته د موټرسايکل چلول ور زده کول کيږي


ز
ز

په کراچۍ کې يوه غېر دولتي اداره وايي جينکو ته د موټر سايکل چلول زده کوي او د دې لارې جينکۍ خپلواکه او په خپلو پښو ودرول غواړي.

صوفي فاؤنډېشن نومې ادارې، مېرمنې په ټايرو يا ویلونو (وېمن ان وهيلز) په نوم کمپاين پېل کړی او د ادارې مشر سلمان صوفي وايي د سيند صوبې د حکومت په مرسته به لس زره جینکو ته د موټر سايکل چلول ور زده کوي.

د کراچۍ په فريئر هال کې دستوره راجوړه شوې چې جينکۍ راشي او د موټرسايکل چلولو د زدکړې دپاره ځانونه رجسټرډ کړي.

دستورې ته په وېنا کې صوفي وويل "جينکو ته د موټر سايکل زده کولو مقصد يې جينکۍ خپلواکه جوړول دي".

هغه وویل "خپلواکي د هرانسان بنيادي حق دی د کوم څه نه چې زمونږ په ملک کې ښځې محرومه ساتل شوي دي".

هغه زياته کړه په ياد کمپاين کې به په سيند صوبه کې د کراچۍ سره لس زره جينکو ته د موټر سايکل چلول ور زده کول کيږي.

د ادارې په وېنا په کمپاين کې به د موټرسايکل د چلولو د زدکړې سره جينکو ته د ځان خوندي ساتلو او ځان بچ ساتلو زدکړې هم ورکول کيږي.

اداره وايي دا زدکړې به په کراچۍ پوهنتون کې ويړيا ورکولی شي.

د کمپاين رجسټرېشن له د کراچۍ د بېلابيلو علاقو نه په ګڼ شمېر کې جينکۍ راغلې وې د دوی وېنا وه خوشحاله دي چې يوې ادارې په رسمي ډول دا ګامو پورته کړو او د دوی دپاره اسانتياوې برابروي.

د ادارې يوې کار کوونکې افشين فاطمه وي او ای ډيوه ته وويل يواځې نن چې د کمپاين پرانسته وشوه د ماسپښين پورې د ۸۰۰ پورې جينکو ځانونه رجسټرډ کړي دي.

هغې وويل په لسو ورځو کې به جينکو ته د موټر سايکل چلول ور زده کوي او جینکۍ کولی شي چې په خپله خوښه وخت ټاکي او راشي چل زده کړي.

د سلمان صوفي په وېنا له دې وړاندې په پنجاب صوبه کې هم داسې ګام پورته کړی شوی او د هغه په وېنا د ښاري علاقو په حساب د کلیوالو جينکو د موټر سايکل په چلولو کې زياته برخه اخيستې وه.

  • 16x9 Image

    فضل عزیز

    فضل عزيز په کراچۍ کې د وي او اې ډيوه خبريال دی په سياسي، تعليمي، صحت او کلتور سره په ټولنيزو موضوعاتو وېب، رېډيو او ټيلي ويژن ته رپورټونه جوړوي او په ځانګړو موضوعاتو ليکل هم کوي. د کراچۍ د اردو پوهنتون نه يې د جرنلزم او کراچۍ پوهنتون نه يې د نړيوالو اړيکو د ماسټرۍ ډګريانې ترلاسه کړي دي.​

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG