لاس رسیدونکی لینک

Breaking News

د واڼه د سپين اوسېدونکي وايي د ژوند يوه بنيادي اسانتيا نه لري


د قبايلي ضلعې جنوبي وزیرستان د سپین سیمې خلکو د انتظامیې په وړاندې د علاقې ټولې مسلې په ګوته کړي او ويلي يې د پاکستان جوړېدنه راواخله تر دې دمه دوی ته د ژوند يوه اسانتيا نه ده برابر کړی شوې.

د واڼه سب ډويژن په سيمه سپين کې ځايي انتظاميې د کهلي کچهرۍ يا د عامو خلکو سره د ناستې او پوښتنو غونډه جوړه کړې او خلکو پکې خپلې مسلې وړاندې کړي دي.

د غونډې ګډون والو ځايي خلکو ويلي، دوی ته نه د صحت،نه د بریښنا، نه د کرکيلې،نه دځنګلاتو او نه بیا د سکولونو ترڅنګ د سړکونو اسانتیاوی شته.

هغوی انتظامي چارواکو ته په ګوته کړه چې په کاغذونو کې خو د سکولونو او روغتيا د مزکرونو د ودانو ذکر شته او په دغو ادارو کې د کارکوونکو د سرکاري خزانې څخه د تنخاګانو اخیستو هم ويل کيږي خو په نظر پکې څوک نه راځي.

هغوی تور لګولی چې د سکولونو او صحت څانګې ملازمین د ډیوټۍ په ځائې په کور ناست تنخوا اخلي او ځینې سرکاری ملازمین په عرب ملکونو کې مزدورۍ کوي.

دوی ويلي سپين د جنوبي وزيرستان د مرکز واڼه نه يواځې په ۲۳ کلوميټره کې پرته علاقه ده خو اسانتيا يوه نه لري او د سړک د نشتوالي له امله د منټونو سفر په ګهنټو ګهنټو کوي.

د سیمې یو تن محمد الله وویل په سپین سیمه کې يوه داسې مسله نشته چې د علاقې خلک ورسره مخ نه وي.

په موقع موجود د واڼه سب ډویژن مشر مرستیال کمشنر امیر نواز وویل د خېبرپښتونخوا د حکومت پاليسي ده چې چارواکي يې علاقو ته لاړ شي او په درشل د خلکو مسلې واوري.

وي او ای ډيوه ته نوموړي ويل چې کومې مسلې د دوی په لاس کې وې په ځای يې د هوارولو باور ورکړو او نورې چې د صوبې د چارواکو په لاس کې دي د هغې سپارښتنه به وکړي.

د سپين اوسېدونکو نزدې دوه میاشتې وړاندې د علاقې د مسلو هوارولو دپاره احتجاج کړی او د واڼه غټه لار يې تړلې وه.

  • 16x9 Image

    عدنان بېټنی

    عدنان بېټنی د پښتونخوا په ډېره اسماعیل خان ښار کې د وي او اې ډیوه خبریال دی. هغه د افغانستان او پاکستان تر منځ د پولې دواړو غاړو خصوصاً له وزیرستانه د نورو مسلو تر څنګ د ترهګرۍ، جنګځپلو کډوالو، بشري حقونو او د دواړو هېوادونو تر منځ پر سیاسي اړیکو او اقتصاد رپوټونه جوړوي. نوموړي د ډېره اسماعیل خان له ګومل پوهنتونه د جرنلزم له زدکړو سره سره د سیاسیاتو ماسټري ډګري هم تر لاسه کړې ده.

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG