لاس رسیدونکی لینک

Breaking News

پاکستان: ځينې سياسي مذهبي ډلې په زوره د مذهب بدلولو پېښو ته د خپلې خوښې عمل وايي


د مذهبي لږکيو په زوره د مذهب بدلولو څخه د ژغورنې دپاره جوړې پارلیماني کمېټۍ ويلي په سيند صوبه کې په زوره د مذهب د بدلولو تر ټولو زیاتې پېښې مخې ته راځي او ځینې مذهبي سياسي ډلې دې کار ته د خپلې خوښې عمل وايي، چې دا په خپله خوښه کيږي.

د ډان د رپوټ ترمخه د کمېټۍ مشر سېنېټر انوارالحق کاکړ ويلي،"د دې مسلې تر ټولو پېچلې برخه دا ده، چې د شکایت کوونکو په وېنا مذهبي ګوندونه جماعت اسلامي، جمعيت علمااسلام ف، ميامټهو او تبليغي ډله دې عمل ته د خوښې وايي چې دا کار په خوښه کيږي، خو دا هم حقيقت دی چې د مذهب د بدلولو ځينې پېښې په زوره يا په ګواښونو نه کیږي".

د جمعيت علمااسلام ف ګوند يو مشر راشد سومرو وايي،" په دين کې دننه زبردستي نشته څوک په چا په زوره خبره نه شي منلی، خو کومې جينکۍ چې د کوره ووځي ودونه کوي او اسلام قبلوي نو په هغې شور کيږي خو دا دوه خبرې دي يو د اسلام قبلولو او بله د واده کولو".

سومرو وايي، "دا د اسلام خبره نه ده دا د هغو ټولو جينکو خبره ده چې د کوره بې د مور او پلار د خوښې نه تښتي او په عدالت کې په خپله مرضۍ واده کوي، بايد د دې دپاره په ټوله په شريکه حل را وويستل شي".

د جماعت اسلامي حافظ نعيم الرحمان هم وايي، "اسلام چاته هم په زوره د مذهب او عقيدې بدلولو اجازت نه ورکوي، جماعت اسلامي په زوره د مذهب بدلولو مخالفه ده خو که څوک په خپله اراده خپل مذهب بدلوي نو د هغې اجازت خو شته".

د رپوټ ترمخه د مذهبي امورو وزير پير نور الحق قادري ويلي په زوره د مذهب بدلولو ځينې رپوټونه ناسم وي، او زیاته کړې يې ده چې د دوه کسانو په جګړه کې ځینې خلک د مذهب د سپکاوي دروغژن تورونه لګوي خو دا مسله شته او بايد دا قابو شي.

په پاکستان کې وخت په وخت په زوره د مذهب د بدلولو خبرونه مخې ته راځي چې زياتره يې د سيند صوبې څخه رپوټ کيږي او بيا د مذهب د سپکاوي تورونه هم رپوټ کيږي.

سېنېټر سجاد طوري ويلي په خېبرپښتونخوا، قبايلي ضلعو او بلوچستان کې غېر مسلمانان نه ځورول کيږي.

  • 16x9 Image

    فضل عزیز

    فضل عزيز په کراچۍ کې د وي او اې ډيوه خبريال دی په سياسي، تعليمي، صحت او کلتور سره په ټولنيزو موضوعاتو وېب، رېډيو او ټيلي ويژن ته رپورټونه جوړوي او په ځانګړو موضوعاتو ليکل هم کوي. د کراچۍ د اردو پوهنتون نه يې د جرنلزم او کراچۍ پوهنتون نه يې د نړيوالو اړيکو د ماسټرۍ ډګريانې ترلاسه کړي دي.​

ځانګړې ویډیوګانې

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG