لاس رسیدونکی لینک

Breaking News

شمالي وزيرستان: په نښته کې دوه پاکستاني پوځي سرتيري او پينځه ترهګر وژل شوي


د پاکستان پوځ ويلي د افغانستان سره په پوله پرتې د قبايلي ضلعې شمالي وزيرستان په دته خېل تحصيل کې د پوځ او وسله والو ترمنځ نښته شوې چې پکې دوه پاکستاني پوځي سرتيري او پينځه ترهګر وژل شوي دي.

پوځ ويلي د دته خېل په علاقه کې د استخباراتي مالوماتو په اساس د لټون عمليات روان ؤ او په دغه مهال د ترهګرو سره نښته شوې ده.

پوځ منلې چې په نښته کې دوه پوځي سرتيري او په ځوابي عملياتو کې پينځه ترهګر وژل شوي دي.

د شمالي وزيرستان انتظاميې ويلي دغه نښته د شورو، چهارشنبې په ورځ ناوخته شوې ده.

د پوځ سره د نښتې په اړوند کومې ډلې تراوسه پورې څه نه دي ويلي.

د پاکستان پوځ په کال ۲۰۱۴م کې په شمالي وزیرستان کې د ضرب عضب په نوم د تندلارو وسله والو پرضد پوځي عملیات کړي او ويلي يې ؤ دغه علاقه په بشپړ ډول د تندلارو څخه پاکه کړی شوې ده.

خو په علاقه کې بيا هم وخت په وخت د بدامنۍ پېښې رامنځته کيږي.

XS
SM
MD
LG