لاس رسیدونکی لینک

Breaking News

د امریکا او طالبانو ترمنځ د سولې تړو ن به دایمي ډزبندی ته لاره هواره کړي، امریکايي سفارتخانه


په افغانستان کې دا مریکا سفارت ويلي کابل ته د امریکا د ځانګړي استازي زلمي خلیلزاذ وروستی ترسره شوی سفر مهم او رغنده یاد کړی دی.

په کابل کې د امریکا سفارت ويلي زلمي خلیزاد په دې دوه ورځني سفر کې له ولسمشر اشرف غني او اجرائیه رئیس عبدالله عبدالله سره د سولې په تړاو بحث او خبرې کړي دي.

د سفارتخانې د بيان ترمخه په دې لیدنه کې زلمي خلیلزاد ټینګار وکړ چې له طالبانو سره دې د بین الافغاني خبرو اترو لپاره هر اړخیزه مرکچي پلاوی جوړ شي او د مذاکراتو لپاره دې چمتوالی ونیول شي.

د امریکا سفارت ویلي زلمي خلیلزاد د سولې په تړاو له وروستیو هڅو چې د امریکا له لخوا پېل شوې افغان مشران یې خبر کړي دي.

په دې بیان کې هیله ښودل شوې چې د امریکا او طالبانو ترمنځ د سولې تړون به بېن الافغاني خبرو، یو هر اړخیزه دایمي ډزبندۍ او د باثباته سولې رامنځته کیدو ته زمینه برابره کړي.

په ورته وخت کې د ولسمشرۍ ماڼۍ په دې وروستیو کې ویلي ؤ افغان حکومت د سولې لپاره بشپړ چمتوالی لري خو که طالبان په ډزبندۍ موافقه وکړي.

افغان چارواکو دا هم ویلي مرکچي پلاوي د ټاکلو لپاره یې خپلې چارې وړاندې بشپړې کړي دي او د سولې خبرو اترو لپاره یې ۱۵ کسیزه ټول شموله پلاوی ټاکلی دی.

د ۲۰۱۸م کال راهیسې تر اوسه د امریکا او طالبانو ترمنځ په قطر کې د سولې په اړه په بیلابیلو پړاونو کې لس ځله مذاکرات شوي خو د وروستی ځل مذاکرات له دې امله د ځنډېدو راپورونه ترلاسه شوي چې طالبانو له دایمي اوربند سره چې د افغان حکومت او ولس غوښتنه ده رضایت نه دی ښودلی.

د افغانستان صدارتي ماڼۍ ارګ د خالي، شنبې په ورځ ويلي، د افغانستان د سولې دپاره د امریکا ځانګړي استازي زلمي خليلزاد د ولسمشر اشرف غني سره ليدلي او ويلي یې دي، "طالبانو سره په خبرو کې د پام وړ پرمختګ نه دی راغلی او هیله لرم په دې برخه کې یوې پایلې ته ورسېږو".

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG