لاس رسیدونکی لینک

Breaking News

مردان:په ماشومې له جنسي تیري وروسته دهغې وژونکی پولیسو نیولی


خېبرپښتونخوا مردان سيمې پوليس وايي، دوي ه دېرش کلن تن نيولی چې د نهه کلنې ماشومې په وژنه کې ککړ دی او د وژنې وړاندې يې په دې ماشومه جنسي تېری هم کړی ؤ.

د دې ماشومې مړی تېره ورځ په بوجۍ کې بند موندل شوی ؤ او د هغې په بدن د تشدد نخښې هم وې.

د مردان پوليسو مشر سجاد خان وايي چې نيول شوي تن د ماشومې د پلار سره په کارخانه کې کار کولو او د خپل جرم يې هم منلی دی.

‘نيول شوي تن ماشومه د وژنې وروستو په يوه بوجۍ کې بنده کړې وه، ده د يو دکان نه د چينو بوجۍ اخستې وه او په يوه کنده کې يې غورځولې وه. دا ماشومه د دوئ سره بلده وه او د وژنې په ورځ د ملزم کورودانه په کور کې نه وه.‘

د پوليسو په وينا د مارچ په ۲۶مه د څلورم ټولګي ماشومه د مردان په جان اباد سيمه کې د يو دوکان نه د صابون اخستلو لپاره تلې وه او له دې وروستو بې درکه شوې وه. د ماشومې پلار د مردان په شېخ ملتون تاڼه کې د دې ماشومې د بې درکۍ مقدمه درج کړې وه.

په مردان سيمه کې د ماشومانو سره د جنسي تېري او بيا د وژنې دا لومړۍ پېښه نه ده. په کال ۲۰۱۸م کې په ګوجرګړۍ سيمه کې يوه څلور کلنه ماشومه د خپلې کورنۍ يو نزدې تن د جنسي تېري وروستو وژلې وه، وروستو عدالت دغه تن ته د عمر قېد يعنې پينځويشت کالو سزا اورولې وه.

په خېبرپښتونخوا کې د ماشومانو د ساتنې د قانون ۲۰۱۰م او د مرکزي حکومت د ۲۰۱۸م د قانون لاندې په خېبرپښتونخوا کې د جنسي تېرو او په ماشومانو د مقدمو لپاره درې خصوصي عدالتونه جوړ کړي.

روان کال د مردان ضلعې د ماشومانو خصوصي عدالت يو تن ته د ماشومې سره د جنسي تور په مقدمه کې د عمر قېد او ۵۰ زره روپۍ جرمانې سزا اورولې وه.

يو اړخ ته دغه سزاګانې او قانون موجود دی خو بيا هم دا پېښې نه کمېږي، په دې اړه د ماشومانو د حقونو لپاره کارکوونکی عمران ټکر وايي چې د قانون او سزاګانو سره سره بايد ټولنه او مور پلار خپل کردار ادا کړي.

هغه وايي چې د حکومتي چارواکو، پوليسو، د عدالت محکمې، د ماشومانو مور پلار، ماشومان پخپله او ميډيا په شريکه ذمه واري به د دا رنګ پېښو مخنيوی کوي.

غېردولتي اداره ساحل وايي چې د تېر کال يعنې د ۲۰۱۹م لومړۍ شپږو مياشتو کې ماشومانو سره د جنسي تېرو د ۱۳۰۰ نه زيات کېسونه مخې ته راغلي وو چې پکې ۷۳۹ جينکۍ او ۵۷۵ هلکان د جنسي حملو ښکار شوي وو.

د مردان ضلعې د پوليسو د ۲۰۱۹م کليز رپورټ ترمخه په سيمه کې ۴۸ د جنسي تېري حملې شوې وې او په دغه حملو کې ککړ ټول ملزمان نيول شوي وو.

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG