لاس رسیدونکی لینک

Breaking News

کراچۍ: د بونېريانو په سپکاوي ګابا کتاب خپرونکې ادارې د پښتنو نه بخښنه وغوښته


په کراچۍ کې د ګابا په نوم کتاب خپرونکې ادارې چې په يو نصابي کتاب کې د بونېريانو سپکاوی کړی ؤ، په خپلو کړو يې د ټولو پښتنو نه بخښنه وغوښته.

د ګابا کتاب خپرونکې ادارې مشرانو محمد راشد او محمد عارف د وکيل قادر خان سره تړون لاسليک کړو چې په کوم کتاب کې يې د بونېريانو سپکاوی کړی،

یو دا چې په کتاب کې د بونېريانو په اړه ليکل شوي باب به د کتاب څخه لرې کوي، دوېم دا چې د دغه باب په ځای به د بونېر په تاريخ په کتاب کې بل باب چاپوي او درېم دا چې په ورځپاڼو کې به د بونېريانو او ټولو پښتنو نه بخښنه غواړي.

د ګابا مشر محمد راشد
د ګابا مشر محمد راشد

قادرخان اېډوکېټ ګابا ته قانوني نوټس ورکړی ؤ.

ګابا دغه تړون په داسې حال کې وکړو چې په تېرو دوه ورځو کې په ټولنيزو رسنيو پښتنو د ګابا دغه کار غندلی، د کتاب نه د ياد باب لرې کولو او د پښتنو نه د بخښنې غوښتنې يې ترې کړې وې د بونېر ترڅنګ په کراچۍ کې د ګابا پرضد احتجاجي مظاهرې شوې او په سېنېټ کې د جماعت اسلامي سېنېټر مشتاق احمد خان هم دغه خبره راپورته کړې وه.

د بونېر سره تعلق لرونکي يو بل خبريال عزيز بونېري هم ګابا ته قانوني نوټس ورکړی ؤ.

د تړون په وخت د ګابا مالکانو وي او ای ډیوه سره په خبرو کې وويل هغوی په خپلو کړو د بونېريانو او ټولو پښتنو نه بخښنه غواړي او په تړون کې کړې وعدې به پوره کوي.

د ياد تړون غونډه په کراچۍ کې د جمعیت علمااسلام ف ګوند د سند څانګې يو مشر مولانا محمد عياث په مينځګړيتوب او د عوامي نيشنل ګوند د سندهـ څانګې جنرل سيکرټري يونس بونېري په مشرۍ راجوړه شوې وه.

وي او ای ډيوه سره په خبرو کې يونس بونېري وويل، په ټولنيزو رسنيو د ګابا پرضد د بونېريانو او ټولو پښتنو لخوادې مسله راپورته کېدو دا اداره دې ته مجبوره کړه چې بخښنه يې وغوښته.

نوموړي وويل که پښتانه په شریکه قامي کشالو ته رايوځای کيږي، د سياسي، جمهوري، قانوني او ائيني لارې تپوس کوي لرې نه ده چې ټولې ورپېښې مسلې يې هواري شي.

  • 16x9 Image

    فضل عزیز

    فضل عزیز په کراچۍ ښار کې د ‌‌‌‌‌‌وي او ای ډيوه خبریال دی، د روزانه رپورټونه نه علاوه هغه په ځانګړي موضوعاتو لیکل هم کوي. هغه داردو پوهنتون نه په ژورنلزم کې د ماسټرۍ ‌‌‌‌‌‌ډګري اخستې ده.

XS
SM
MD
LG