په نړیوال مارکیټ کې د سرو زرو دبیعو لوړیدو وروسته پاکستان کې هم د سرو زرو بیعې ختلې دي اؤ زرګران وایي دخالي په ورځ یوه توله سره زر په 116200 روپو پلورل شوي دي.
تر دې دمخه په نړیوال مارکیټ کې د یو اونس 24 قیراطه سرو زرو بیعه کې 16 ډالره اضافه شوې اؤ ددې نرخ 1931ؤ ډالرو ته رسېدلی دی.
دپېښور د صرافه بازار یو کاروباري حاجي الیاس وایي په نزدې ورځو کې ښایي په نړیوال مارکیټ کې د سرو زرو بیعې نورې هم لوړې شي چې دهغې اغیز به دپاکستان په مارکیټونو هم کیږي اؤ دلته د سرو زرو بیعې نورې هم ختلی شي.
وي او ای ډیوه سره خبرو کې حاجي الیاس ویلي د خالي په ورځ پېښور،کوټه،کراچۍ،لاهور اؤ نورو لویو ښارونو کې د یوې تولې سرو زرو نرخ 1800 روپۍ ختلی اؤ د10ؤ ګرامو سرو زرو په نرخ کې 1543 روپۍ اضافه شوې ده.
دحاجي الیاس د وینا له مخې پېښور اؤ دپاکستان نورو سترو ښارونو کې دا مهال یوه توله سره زر په 116200 روپۍ اؤ 10 ګرامه سره زر په 99623 روپۍ پلورل کیږي.
د سرو زرو د کاروبارویانو وینا ده چې د دوبۍ د سرو زرو دمارکیټ په پرتله پاکستاني مارکیټونو کې د جمعې په ورځ دیوې تولې سرو زرو بیعه 4000 روپۍ ټیټه وه.