لاس رسیدونکی لینک

Breaking News

يونيسف د ماشومانو په نړيواله ورځ په پاکستان کې تاریخي ودانۍ په برقي رنګونو رنګ کړي


اسلاميه کالج پوهنتون

د ماشومانو د حقونو په نړيواله ورځ د ماشومانو د حقونو دپاره کار کوونکې د ملګرو ملتونو ادارې [يونيسف] په پاکستان کې د 30 پورې يادې ودانۍ په برقي رنګونو رنګ کړي او په دغه ډول يې د ماشومانو د حقونو ورځ په ځانګړې توګه نمانځلې ده.

په يادو ودانيو کې باب خېبر يا د خېبر پاس دروازې او پېښور اسلاميه کالج پوهنتون عکسونه هم شامل کړی شوي دي.

يونيسف پاکستان ويلي د پاکستان د بشري حقونو د وزارت سره یې دغه ودانۍ رنګ کول يې د ماشومانو د حقونو په ملاتړ کې څرګندونه کړې ده.

د ماشومانود حقونو په نړيواله ورځ د پاکستان وزیراعظم عمران خان ويلي دوی د ماشومانو د حقونو په لړ کې د ملګرو ملتونو اصولو او لوظنامو پوره کولو ته ژمن دي.

هغه ویلي په ملک کې يې د ماشومانو د حقونو خوندي کولو او په ځانګړي ډول د ماشومانو د جنسي تیريو څخه ژغورلو دپاره يې يو شمېر ګامونه پورته کړي دي.

د پاکستان د بشري حقونو وزیر شيري مزاري په خپله ويلي، په پاکستان کې د ماشومانو د حقونو او ساتنې دپاره ډېر قوانين جوړ شوي خو هغه پوره نه عملي کيږي ځکه چې يو خو پرې خلک خبر نه دي او بل د خلکو ذهنيت بدلول پکار دي.

هغې ویلي حکومت يې هڅه کوي چې په ائين کې ماشومانو ته ورکړی شوي حقونه عملي کړي او په دغه لړ کې نړيوالې ژمنې پوره کړي.

په پاکستان کې د ماشومانو د حقونو دپاره کار کوونکې غېر دولتي ادارې ساحل په خپل رپورټ کې ویلي د روان کال 2020 په لومړيو شپږو مياشتو کې د ماشومانو سره د جنسي تيريو پېښې 14 فيصده سېوا شوي دي.

يادې ادارې ویلي د جنورۍ نه تر جون پورې د ملک په څلورو واړو صوبو، اسلام اباد، ازاد جمو و کشمیر او ګلګت بلتستان کې د ماشومانو د تیريو 1489 پېښې رپورټ شوې وې.

دغه رنګ ويل شوي ؤ د شمېرو په حساب په شپږو میاشتو کې هره ورځ اته ماشومان د تیري ښکار شوي دي.

  • 16x9 Image

    فضل عزیز

    فضل عزیز په کراچۍ ښار کې د ‌‌‌‌‌‌وي او ای ډيوه خبریال دی، د روزانه رپورټونه نه علاوه هغه په ځانګړي موضوعاتو لیکل هم کوي. هغه داردو پوهنتون نه په ژورنلزم کې د ماسټرۍ ‌‌‌‌‌‌ډګري اخستې ده.

XS
SM
MD
LG