لاس رسیدونکی لینک

Breaking News

که هند پاکستان څخه دباسمتي وریژو دجغرافیایي پيژندګلۍ حق وګټي پاکستان ته به یې څه تاوان وي؟


د پاکستان او هندوستان باسمتي وریژې دخپلې خوشبو او خوند له کبله سیمه کې خلک زیاتې خوښوي خو ددغه وریژو په نړیوال بازار کې د خرڅلاؤ لویه برخه تر لاسه کولو د پاره د دواړو ګاونډي هیوادونو تر منځ قانوني جنګ هم روان دی.

هندوستان د روان کال د ستمبر په میاشت کي اروپایي اتحادیه کې د دوئ باسمتي وریژو ته د وراثتي حق ورکولو د پاره عریضه کړې وه چي پاکستان یې ځواب جمع کړی او دریځ یې خپل کړی چې پاکستان ته د باسمتی وریژو د صادراتو حق ترلاسه دی.

د سوداګرۍ دپاره دپاکستان د وزیر اعظم سلاکار عبدالرزاق داؤد خپل په ټویټ کي لیکي چې پاکستان د هندوستان له اړخه دجمع کړی شوي خواست په ځواب کې دریځ خپل کړی چي د باسمتي وریژو د صادراتو حق لري.

هغه د وریژو سوداګرو ته باور ورکړی چې پاکستان به دخپل دریځ څخه په هره کچه دفاع کوي.

په نړیواله کچه که چرې هندوستان ته د باسمتي وریژو وراثتي حق ورکړل شو نو د دې به د پاکستان د وریژو پر صادراتو څه اغیز وي؟ په دې اړه د پاکستان د وریژو د صادراتو د تنظیم مرستیال مشر فیصل جهانګیر وي او ای ډیوه ته وایي.

"په نړیواله کچه د پاکستان وریژې ګرانې دي او که چرې د باسمتي وریژو وراثت هندوستان ته ورکړی شو نو پاکستاني سوداګرو د پاره به دباسمتي وریژو صادرول ډیر ګران شي ولي چې دوئ ته به هندوستان ته رائیلټي ورکول وي"

هغه زیاته کړې"دې سره د پاکستان په صادراتو کي د یو ارب ډالرو کمی راتلی شي او اغیز یې د پاکستان د نورو هیوادونو سره پر صادراتو هم کیږي"

دا وخت پاکستان اروپایي اتحادیې ته دری لکه اویا زره ټنه وریژې دکال لیږي،

بل لوري ته د وریژو په صادراتو کې د هندوستان نړیواله برخه ۳۵ ٪ ده ،په ورستیو کي د هندوستان د باسمتي وریژو پر څه قسمونو بندیز لګول شوی ؤ خو د هندوستان د وریژو لویه برخه دسعودي عرب، اسټریلیا ، بیلجیم، بحرین، فرانس، جرمني، برطانیه ، ډنمارک ، امریکه په شمول یوشمیر نړیوال هیوادونو ته لیږل کیږي.

په نړیوال سوداګرۍ کې که چرې یو شي ته د جغرافیایي پیژندګلو د قانون په اساس وراثتي حیثیت ورکړل شي نو د دې مطلب دا وي چې هغه شی په یوخاص ځائ کې په روایتي طریقو پیدا کیږي او دغه رنګه بل نشته. چې له امله یې هغه شی په نړیواله کچه د یوې سیمې سره وتړل شي او په ګرانه بیعه خرڅیږي.

د هندوستان پنجاب، بیهار مغربي بنګال، اوترپردیش او د پاکستان پنجاب او سندهـ صوبو کې باسمتي وریژې په لویه کچه کرل کیږي.

پاکستان کې د وريژو یو سوداګر حضرت علي وي او ای ډیوه ته ویلي ،دغه وریژي پخلي کي ثابته وي اؤ ماتیږی نه – اوږدې او خوندوري وي چې له دې امله یې خلک زیاتې خوښوي.

د څیړونکو وینا ده په نړیواله کچه خپل ځائې برقراره ساتلو د پاره به نه یوازې پاکستانی سوداګرو ته د وریژو معیار ښه کول وي بلکې په حکومتي کچه به سوداګرو ته هغه اسانتیاوې هم ورکول وي چی ښه وریژه په مناسبه بیعه خرڅه شي.

XS
SM
MD
LG