لاس رسیدونکی لینک

تازه خبر

پاکستان کې ترټولو زیاته خېبر پښتونخوا صوبه نشو اغېزمنه کړې


د نړۍ دنورو برخو په څېر پاکستان کې هم د نشه یي توکو د مخنیوي نړی واله ورځ په داسې حال کې نمانځل کیږي چې څیړنې وائي پاکستان کې د ۷ نه تر ۸ ملينه پورې خلک په نشو اخته دي.

سرکاري شمیرې وائي پاکستان کې د نشو نه زیاته اغېزمنه صوبه خیبر پښتونخوا کې د ابادۍ ۱۱مه برخه چې پکښې اکثره ځوانان دي په نشو اخته دي اؤ په دې وروستو کې د ائس نشه د زیاترو تعلیمي ادارو دننه زده کوونکي کوي.

د خیبر پښتونخوا حکومت د نشه یي توکو دمخنیوي قانون هم جوړ کړی چې پکښې سختې سزاګاني ټاکل شوې دي.

دنشه یي توکو دمخنیوي د نړیوالې ورځې په اړوند نن د پېښور پریس کلب نه یو لاریون هم ویستل شوی چې پکې دپېښور سي سي پي او احسن عباس،ایس ایس پي یاسر اپریدي اؤ خبریالانو برخه لرله .

دپېښور پریس کلب عمومي سکتر عمران بخاري وي او ای ډيوه ته ویلي ددې لاریون مقصد په خلکو کې د نشو په ضد شعور پیدا کول وؤ اؤ دپولیسو سره دا د خبریالانو اؤ دټولنې دنورو څانګو هم ذمه واري ده چې دنوي کول دنشو نه بچ کولو ته ملا وتړي

په خیبر پښتونخوا کې د نشو د روږدو کسانو د ژغورنې شخصې ادارې السید ویلفئر ارګنايزیشن مشر محمد الیاس وائي هغوئ سره په هسپتال کی ۱۵۰ کسان داخل دی چې دنشو نه د ژغورلو هڅې یې کیږي.

وي او ای ډيوه سره خبرو کې هغه ویلي هسپتال کې بستر اکثره نشه یان ځوانان دي او د غربت او بې روزګارۍ له امله یې نشې شروع کړې دي.

الیاس وائي دوئ سره داسی ځوانان هم شته چې عمرونه ی د ۱۸ کالو نه هم کم دي اؤ دهغه په وینا نشه يي توکي په خیبرپښتونخوا کی په اسانه تر لاسه کیږي او اوس خو یې په نشو اخته ځوانان د انلاین لارې راغواړي.

نوموړی وایي په صوبه کې دا وخت د ائس نشې استعمال زیات دی او زیاتره په سکولونو،کالجونو او پوهنتونونو کې طالب علمان ددې استعمال کوي.

دنشو دمخنیوي دنړیوالې ورځې په اړه د انګریزۍ ژبې ورځپاڼې ډان پخپله اداریه کې دسرکاري شمیرو په اساس لیکلي په ګرد پاکستان کی ۷ ملينه خلک په نشو اخته دي چې پکښې تر ټولو زیاته خیبر پښتونخوا صوبه دنشو نه اغېزمنه ده.

اداریه کې وئيل شوي چې دخیبر پښتونخوا د ابادۍ ۱۱ فیصده برخه په نشو اخته ده چې پکښې اکثره ځوانان دي.

په سندهـ صوبه کې د ابادۍ ۶.۵ فیصده، بلوچستان کی ۵ او پنجاب کی ۴.۸ فیصده خلک د نشو استعمال کوی.

څیړنې وائي په کال ۲۰۱۹ کې دخیبر پښتونخوا حکومت دنشه یي توکو د مخنیوي قانون هم جوړ کړی چې پکې ددې نشو پلورونکو ،اخستونکو اؤ استعمالوونکو دپاره سختې سزاګانې ټاکل شوې دي.

په مردان ضلعه کې د نشه یي توکو د کنټرول اینټی نارکاټیکس فورس مشر فواد اقبال وائي په دی قانون کې د ائس په استعمال او قاچاق سختې سزاګانې هم مقرر دي او کله نه چې په صوبه کې د ای این ایف تاڼې جوړې شوې دي هغوی په شپږو میاشتو کی ۳۰۰ کلوګرام ائس نیولي.

ډیوه سره خبرو کې هغه ویلي په پوهنتونونو کې ځانګړي ګامونه پورته شوي چې ځوانان د ائس او نورو نشو نه بچ وساتل شي.

ډان ورځپاڼه په خپله اداریه کې وائي په سندهـ صوبه کې د نشو د مخنیوی دپاره دوه خصوصي عدالتونه هم شته خو د زیات بوج له امله دغو عدالتونو کې ۹۰۰۰ مقدمې د ځنډ ښکار دي.

ورځپاڼه وائي په خیبر پښتونخوا کې داسې قسمه عدالتونه نشته.

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:56 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG