لاس رسیدونکی لینک

Breaking News

په چارسده کې د کونترو د جګړې په سر قهرجنو مظاهره چيانو يو تن ژوندی سوځولی


‎د خېبرپښتونخوا د چارسدې ضلعې پوليس ډي اېس پي اياز محمود وي ا او اې ډیوه ته وویل د جمعې په ورځ د دوو تنانو ترمینځه د کونترو د لېن دېن په سر جګړه شوې او يو تن پکې ووژل شوی دی.

د پېښې وروسته د کلي خلکو احتجاج کوو او بيا قهرجنو مظاهرہ چیانو د تور قاتل کور ته اوور اچولی چې پکې تورن قاتل ژوندی سوځول شوی دی، او د هغه مور چې په کور کې موجود وه هغه پکې ټپي شوې دہ او خور يې بچ کړی شوې دہ.

‎" يو هلک مظاهرينو د کوټې د چت نه راغورځولی او په اوور کې یې سوځولی دی".

‎پوليس وایي دا پېښه د چارسدې پله ډهيرۍ کې رامینځته شوې دہ.

‎پوليس وويل د پېښې وروسته يې 13 کسان نيولي دي او نورې پلټنې روانې دي.

‎د پوليسو په وېنا قهر جنو خلکو يو پوليس اېس ايچ او درې نور پوليس اهلکار هم ټپيان کړي دي.

‎ځايې خلک وایي سوځول شوی تن افغان کډوال دی او دلته يې د کډوالۍ ژوند تيرولو.

‎پوليس وایي دوي ته هم ځايي خلکو دغه خبره کړې او د سوځول شوي تن نه پاکستاني شناختي کارډ ترلاسه شوی او د مور او خور نه يې ورته پاکستاني شناختي کارډونه نه دي ترلاسه شوي، پوليس وايي په دغه اړه نورې پلټنې روانې دي.

‎قانون پوهه او ټولنيز فعال اېډوکېټ شهاب خټک ډيوه ته وويل د تورن قاتل داسې وژل په غېر مهذبه ټولنه کې کېږي د دې سزا جزا د پاره په ملک کې پوليس، عدالتونه او نوره رياستي ډهانچه موجود ده۔

‎" په خلکو کې د تشدد رجهان باندې څيړنې پکار دي، د رياست متشددہ پاليسۍ له وجې بيا داسې پېښې مخې ته راځي".

‎د دې پېښې په اړه د خېبر پښتونخوا وزير اعلا د پلټنو امر کړی او د پوليسو ایي جي نه يې د پېښې رپورټ غوښتی دی.

‎وزير اعلا ویلي چاته به هم د قانون په لاسو کې د اخستو اجازه نه ورکړل کيږي او د دې پېښې به بې پلوہ پلټنې کيږ‎ي.

  • 16x9 Image

    ارشد مومند

    ارشد مومند د ډيوه خبريال دی د پاکستان قبائيلي سيمو نه د تعليم،صحت، کلتور اؤ ترهګرئ ضد جګړی په اړه راپورونه راليږي. دپیښور پوهنتون جرنلزم څانګی نه يي د ماسټر ډګري ترلاسه کړی

     

XS
SM
MD
LG