د پاکستان او ويسټ انډيز کرکټ بورډ چارواکو ويلي، د پاکستان په سفر د ويسټ انډيز د کرکټ لوبډلې لوبغاړو ته د کرونا وايرس لګېدو له امله د دواړو لوبډلو ترمنځ ټاکل شوې یو ورځنۍ سيالۍ ځنډول شوي دي.
د پاکستان کرکټ بورډ په خپره کړې ګډه اعلاميه کې ویلي، په نهم دسمبر چې د ويسټ انډيز لوبډله کراچۍ ته راغلې، پينځه نورو لوبغاړو ته يې د کرونا وايرس لګيدلي، چې ورسره د کرونا شوو لوبغاړو شمېره نهه ته رسېدلې ده.
په بيان کې ويل شوي پرون د زیارت په ورځ چې د کومو لوبغاړو او نورو چارواکو د کرونا معاينې منفي راغلي هغه به بيرته ملک ته ستنيږي او څوک چې کرونا شوي هغوی به د قرنطين پوره کولو وروسته بيرته خپل ملک ته ځي.
ويل شوي کومې سيالۍ چې پاتې شوی هغه به د کال 2022 په جون کې کولی شي.
د پاکستان او ويسټ انډيز د لوبډلو ترمنځ يو ورځنۍ سيالۍ په 18، 20 او 22 دسمبر د کراچۍ په نيشنل لوبغالي کې کېدل ټاکل شوې وې.
له دې وړاندې د پاکستان او ويسټ انډيز د لوبډلو ترمنځ درې شل اووريزې سيالۍ په 16، 14 او 13 دسمبر د کراچۍ په نيشنل لوبغالي کې ترسره شوي او درې واړه سيالۍ کوربه پاکستانۍ لوبډلې ګټلي دي.
له دې وړاندې د ستمبر په مياشت کې د پاکستان په سفر راغلي د نيوزي لېنډ کرکټ لوبډلې د امنیت له امله خپله دوره ځنډولې او بيرته ستنه شوې وه.
له دغې وروسته د انګلېنډ کرکټ لوبډلې هم د اکتوبر په مياشت کې د پاکستان ټاکلی سفر ځنډولی وو.
