لاس رسیدونکی لینک

تازه خبر

نوې څیړنه: کورونا وبا روغتیايي کارکوونکو ته د ځانوژنې خطر پېښ کړی


سیډني ــــ د یوې نوې څیړنې له مخي په اسټرېلیا کې د هرو لسو څخه یو روغتیایي کارکوونکی د کورونا وبا په جریان کې د ځانوژنې یا هم ځان ته د زیان رسولو فکر درلود.

دا د روغتیایي پاملرنې د کارکوونکو تر منځ- چې د ځانوژنې په اړه فکر کوي- د نړۍ تر ټولو لویه څېړنه ده.

په دې څېړنه کې د اسټرېلیا د لومړۍ لیکې روغتیایي کارکوونکي څېړل شوي، په دې څېړنه کې د 8,000 کارکوونکو نظرونه راټول کړل شوي، چي پکې د مختلفو پوسټونو مسلکي کسان لکه روغتیایي کارکوونکي، صفاکاران، نرسان او ډاکټران شامل دي.

څېړنه ښیي چې 10 فیصده ځواب ویونکو د کویډ-19 وبا په جریان کې د ځانوژنې یا ځان ته د زیان رسولو فکر درلود، مګر له نیمایي څخه لږو د رواني روغتیا د مسلکي متخصصینو څخه مرسته غوښتې وه.

د کویډ-19 وبا تر راڅرګندېدو دمخه د اسټرېلیا روغتیایي کارکوونکو د نورو مسلکونو په پرتله د ځانوژنې لوړه کچه درلوده.

څېړونکو نتیجه تر لاسه کړې چې احساساتي ستړیا او خفګان د دغو فکرونو تر شا لوی سبب ګڼل کیږي. دا چې کاري او روحي فشار کولای شي د لا زیاتو طبي غلطیو لامل شي او هم د ناروغیو د پاملرنې کارکوونکو په کاري کیفیت منفي اغیزه کولای شي.

جورجینا لونرګن چې د اسټرېلیا د ویکټوریا ایالت د ایټمي درملو د ټیکنالوجیسټه ده، د اسټرېلیا مطبوعاتو ته وویل چې د هغې دنده خورا روحي فشار ورکوونکې وه. هغې وویل:

"زما په اند هر هغه څوک چې د روغتیایي پاملرنې په څانګه کې کار کوي، روحي فشار لري. د تېرو څو کلونو په اوږدو کې ما دوامداره روحي فشار درلود. ډېر وخت تاسې نه غواړئ کار ځای ته راشئ، آن د دفتر په لاره د روحي فشار له امله ډېر ځله ژړا راتله، زه له دې ډول فشارونو ستړې شوې وم".

دا سروې د چارشنبې- شورو په ورځ د اسټرېلیا او نیوزیلېنډ په «نفسیاتي ژورنال» کې خپره شوې ده.

د اسټرېلیا ډېری برخه خلک د اومیکرون ډوله کورونا سره مبارزې ته دوام ورکوي. حکومتي شمېرو ښودلې چې له 3,500 څخه ډېر خلک په روغتونونو کې په وایرس اخته دي.

د کویډ-19 د وبا له پیل راهیسې اسټرېلیا د 2.4 میلینه کورونا وایرس کېسونه تشخیص کړي دي چې د دې هېواد د روغتیا وزارت په وینا 4,366 کسان ترې مړه شوي دي.

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG