لاس رسیدونکی لینک

تازه خبر

پښتونخوا: کرک کې د ځمکې په سر نښته کې پينځه تنه وژل شوي


د خیبر پښتونخوا په کرک ضلع کې د ځمکې د ملکيت د شخړې په سر د خپلوانو ترمينځه نښته شوې پينځه تنه پکې وژل شوي او دوه لارويانو په ګډون پکې درې تنه ژوبل شوي دي.

د کرک پولیسو دا پیښه تایيد کړې او وایي دا ماښام د سټي تانې په میټها خېل سیمه کې شوې ده.

د سټي تاڼې چارواکي وایي ډزې د زاهد علي او عطاالله ډلو ترمینځ شوې چې پکې پینځه تنه په ځای وژل شوي او د دوو لارويانو په ګډون درې تنه سخت ټپيان شوي دي چې په تشویشناک حالت کې د صوبې مرکز پیښور کې درملنې د پاره روغتون ته وړل شوي دي.

پولیس وایي دا هم وایي چې دا پېښه د زمکې د شخړې په سر شوې او دواړه خواوې خپلو کې تربوران دي او دواړ خواوو د یو بل پرضد د قتل مقدمې درج کړي دي.

د کرک ضلعې پولیسو ویلي دې پیښې وروسته پولیس په مقدمه کې د نومول شوو کسانو پرضد د لټون عملیات پیل کړي دي.

په خېبر پښتونخوا کې تر دې وړاندې هم وخت په وخت د ځمکو د شخړو په سر دغسې نښتې شوي چې تر دې مهاله پکې په سلګونو کسان وژل شوي او ژوبل شوي دي.

د تېر کال دسمبر په میاشت کې په شمالي وزیرستان کې د ځمکې په سر د دوو قبیلو ترمینځ یوه درنه نښته کې ګڼ شمېر کسان وژل شوي او ژوبل شوي وو.

همدا شان د اکتوبر په میاشت کې د خیبر پښتونخوا په قبایلي ضلعې کرمه کې هم د دوو قبیلو ترمینځ د ځمکې په سر د شخړې له امله ډزو کې اته کسان وژل شوي وو او 15تنه نور ژوبل شوي وو.

همدغه شان تیرکال د جون په 22 مه هم د صوبې مرکز پیښور کې د ځمکې د ملکیت په سر د یوې کورنۍ اووه کسان کور د ننه په ډزو وژل شوي وو.

تیر کال په 20م فرورۍ کې د حنوبي وزیرستان په کرکڼه سیمه کې ته هم د ځمکې په سر پېښه شوې د دوه قبیلو ترمینځ ډزې شوې وې چې پکې شپږ کسان وژل شوي او په لسګونو تنه ژوبل شوي وو.

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:56 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG