د سویډن د ساینس شاهي اکاډمۍ د فزیکس په برخه کې د سږکال نوبل جایزې، درې ساینس پوهانو لپاره اعلان کړي دي.
اکاډمۍ ویلي د فرانس ایلن ایسپیکټ، د امریکا جان کلاؤزر او د اسټریا انټن زیلنګر د کوانټم فزیکس په برخه کې ډېر ارزښتمن تحقیقات کړي او په مشترکه توګه د نوبل جایزې مستحق ګڼل کیږي.
دغو دریو ساینس پوهانو په کوانټم فزیکس کې داسې اساسي تجربې کړي چې په کې د اېټم نه هم د وړوکو ذراتو ترمنځ اړیکه څرګندوي. ددوی د مطالعي په بنیاد، دوه وړوکي ذرات که د اېټم نه جدا هم شي، نو خپل ترمنځ د یو یونټ په شان کار کوي.
اکاډمي زیاتوي د دوی دغه کار د نوې ټکنالوجۍ پرمختګ ته لاره ممکن کړې ده او په دې سره به ډېر پرمختللي کمپیوټرونه جوړ کړی شي.
د نوبل جایزه کمیټۍ غړې ایوه اولسن ویلي د کوانټم معلوماتو ساینس یو پراخه او په تیزۍ سره پرمختلونکې څانګه ده.
نوموړی زیاتوي دا د معلوماتو په محفوظه توګه لیږلو یا ټرانسفر کولو، د کوانټم حساب او پیژنګلو کولو ټکنالوجۍ په برخو کې یو پراخه او پکار راتلونکې څانګه ده.
درې واړه ساینس پوهان به نهه لکه ډالره انعام درې ځایه تقسیموي.
د طب په برخه کې د نوبل جایزې اعلان د تیر ګل په ورځ شوی وو.
د کیمیا په مد کې د نوبل جایزې اعلان به د شورو په ورځ ،د ادب لپاره د زیارت په ورځ او د نوبل جایزې اعلان به د جمعې په ورځ اعلانیږي.
