لاس رسیدونکی لینک

Breaking News

د پېښور کور کمانډر د شمالي وزیرستان سفر کړی


د پاکستان پوځ ويلي د پېښور کور کمانډر لفټننټ جنرل حسن اظهر حيات د شمالي وزيرستان سفر کړی او سفر په مهال یې په ضلعې مرکز ميرانشا کې د شمالي وزیرستان د اتمانزو قامي جرګې له مشرانو سره لیدلي دي.

د پوځ په بیان کې ویل شوي کور کمانډر په سيمه کې د امن په راوستو کې د قبايلو د قربانيو ستاينه وکړه او ډاډ يې ورکړی چې د پاکستان پوځ به د سيمې د خلکو سره هر ډول ممکنه مرسته کوي.

د جاري کړي بیان ترمخه ملکانو او مشرانو په سيمه کې د امن په بحالۍ او د ټولنیز او اقتصادي پرمختګ لپاره د روانو هلو ځلو لپاره د پاکستان پوځ مننه وکړه. او خپلو امنیتي ځواکونو د نه ستړي کیدونکو مرستو ته ډاډ يې ورکړو.

خو د اتمانزو د جرګې غړي او د کډوالو د کمېټۍ مشر نثار علي خان وايي، يو خو دغې جرګې ته د اتمانزو د قومي جرګې هغه مشران نه دي غوښتل شوي څوک چې د امن دپاره احتجاج کوي.

وي او اې ډیوه سره په خبرو کې هغه وویل، پکار ده چې د اتمانزو د قومي جرګې د امن غوښتنه ومنل شي.

کور کمانډر د شمالي وزیرستان دا سفر په داسې حال کړی چې د اتمانزو قامي جرګه د تیرو دوه نیمو میاشتو نه په علاقه کې د ناامنۍ برضد احتجاجي پرلت روان دی.

د پرلت یو مشر ډاکټر ګل علم وویل د دوی یواځينۍ غوښتنه د امن ده،داسې امن چې پکې په علاقه کې د دوی سر، مال او کاروبار محفوظ وي.

هغه وویل تر ضرب عضب عملیاتو وروسته د ناامنۍ سره مخ دي د علاقې تنکي ځوانان، مشران، زنانه او افسران یې په کورونو د ننه په رڼا ورځ په هدفي پیښو کې وژل کیږي ځکه يې احتجاجي پرلت پیل کړی او د امن غوښتنه کوي.

د شمالي وزیرستان د کډوالو د کمېټۍ مشر نثار علي وایي د ناامنۍ له امله دوی بې کوره شوي د اته کاله نه زیات وخت د ضرب عضب وشو خو تر دې مهاله ناامني زیاته شوې ټيټه شوې نه ده.

هغه وویل د دوی خلک اوس هم د خپلو سیمو نه لرې د کډوالۍ ژوند تیروي او دوی د حکومت نه د امن غوښتنه کوي خو دا غوښتنه یې نه منل کیږي.

هغه وویل د علاقې خلک بیا اندیښنې لري چې د دوی د امن خبرې نه اوریدل کیږي او دغلته بیا نوې ناامنۍ ته منصوبې جوړې شوي دي.

د شمالي وزیرستان د خلکو منتخب غړی او ملي جمهوري ګوند مشر محسن داوړ وایي د افغانستان سقوط او او بیا دغلته ناامني د یوې منصوبۍ سره راوړل شوې چې دغلته بیا ملکي اقتصاد ښه کولو د پاره ډالرو ته لاره هواره کړي.

هغه وویل په دا اوسنۍ ناامنۍ د ملک ټوله سیاسي ګوندونه غلي دي خو دا ځل به دا اور یواځې پښتونخوا ته نه بلکې د ملک ګوټ ګوټ ته رسي.

کور کمانډر د شمالي وزیرستان د سفر په داسې حال کې کړی چې نزدې يوه اوونۍ وړاندې د شمالي وزيرستان په میرعلي تحصيل کې د پوځ په کاروان ځانمرګی بريد شوی او 21 پوځيان پکې ژوبل شوي وو.

په سمدستي توګه د دغه بريد زمه واري چا نه وه منلې خو د سیمې یوې امنیتي سرچینې ويلي وو تحریک طالبان پاکستان د ځانمرګي برید کوونکي عکس خپور کړی وو.

  • 16x9 Image

    عدنان بېټنی

    عدنان بېټنی د پښتونخوا په ډېره اسماعیل خان ښار کې د وي او اې ډیوه خبریال دی. هغه د افغانستان او پاکستان تر منځ د پولې دواړو غاړو خصوصاً له وزیرستانه د نورو مسلو تر څنګ د ترهګرۍ، جنګځپلو کډوالو، بشري حقونو او د دواړو هېوادونو تر منځ پر سیاسي اړیکو او اقتصاد رپوټونه جوړوي. نوموړي د ډېره اسماعیل خان له ګومل پوهنتونه د جرنلزم له زدکړو سره سره د سیاسیاتو ماسټري ډګري هم تر لاسه کړې ده.

ځانګړې ویډیوګانې

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG