لاس رسیدونکی لینک

تازه خبر

د پاکستان د کورنيو چارو وزارت د ټي ټي پي لخوا د حملو په زیاتیدو اندېښنه څرګنده کړې، رپورټ


د پاکستان د کورنیو چارو وزارت په ملک کې د تحریک طالبان پاکستان [ټي ټي پي] لخوا د ترهګرو بريدونو سېوا کېدو اندېښنه څرګندونه کړې او په دغه اړوند يې د خبرداري اعلاميه خپره کړې ده.

د پاکستان ډان ورځپاڼې نن په شپږم اکتوبر خپور کړي خبر کې ويلي، د کورنيو چارو د وزارت په اعلاميه کې چارواکو ته د چمتو کېدو او د تندلارو پرضد د عملياتو کولو ویل شوي دي. او تيره میاشت د کورنیو چارو وزارت په يو خط کې ويلي، د ټي ټي پي سره د يو کال راهسې روان مذاکرات ولاړ دي د کوم له امله چې ټي ټي پي بې ارامه ده.

د پاکستان حکومت منلې چې د ټي ټي پي سره د تير کال د اکتوبر د مياشتې راهسې مذاکرات روان دي او په دغو مذاکراتو کې څو ځله رسمي ليدنې شوي خو تراوسه پورې پکې کوم ښکاره پرمختګ مخې ته نه راغلی.

د مې د مياشتې راهسې ټي ټي پي ډز بندي اعلان کړې چې بيا د مذاکراتو په مهال تر نامعلومه وخته پورې غځول شوې خو د تېرې ستمبر د مياشتې د دوېمې نېټې څخه ټي ټي پي د بريدونو زمه وارۍ منل پېل کړي دي.

بل لور ته د پاکستان حکومت او ټي ټي پي تراوسه پورې په رسمي ډول د ډز بندۍ ختمولو څه نه دي ویلي خو څيړونکي وايي ښکاري ډز بندي نوره نه وي پاتې.

د خبر ترمخه د کورنيو چارو وزارت ويلي، ټي ټي پي د پاکستان په حکومت تور لګوي چې د پخوانۍ فاټا بيرته خپل حیثيت ته د بوتلو د دوي مهمه غوښتنه يې نه ده منلې، او چې په جنګ بندۍ خبرې روانې وې د دوی غړي نیول دوامدار ساتل شوي دي.

وزارت ویلي ټي ټي پي او ترې جدا شوې ډلې په راتلونکو ورځو کې ترهګر فعاليتونه سېوا کولی شي چې د خپلو مشرانو بدل واخلي او بل لور ته په مذاکراتو کې پرمختګ نه کيږي. او د پاکستان حکومت ته معلومه شوې چې په وروستيو کې د ټي ټي پي مشرانو په پکتيکا کې غونډه کړې د حکومت سره په ولاړو خبرو او عمر خالد خراساني او افتاب پړکي د وژنې په اړه يې بحث کړی دی.

د ټي ټي پي او د پاکستان د حکومت د خبرو په مهال ټي ټي پي ویلي وو بنيادې غوښتنې يې د قبايلي ضلعو پخوانی حيثيت بحالول او د تنظيمي ډهانچې سره خپلو سيمو ته واپسي ده. خو د پاکستان حکومتي وزیرانو وخت په وخت ویلي د ټي ټي پي سره به مذاکرات او ختمي پرېکړه د ايين لاندې کولی شي.

د رپورټ ترمخه د کورنیو چارو د خبرداري په اعلاميه کې ويل شوي د ټي ټي مشرانو د پاکستان د حکومت د خبرو ناکامه کېدو په صورت کې د خپلو کورنیو محفوظو ځايونو ته منتقل کولو فېصله کړې، دوی د حملو دپاره د افغانستان نه شمالي او جنوبي وزيرستان ته د راتلو هڅې کوي، او د پاکستان او ايران په پوله او خېبرپښتونخوا ته د ټي ټي پي د وسله والو په راتګ اندېښنه څرګنده کړی شوې ده.

دا اعلاميه په داسې حال کې خپره شوې چې ټي ټي پي د وزيرستان نه علاوه په سوات، پېښور او خېبرپښتونخوا په نورو سيمو کې په پوځ، پوليسو او امن کمېټۍ په مشرانو او غړو د بريدونو زمه وارۍ منلي دي. او په سوات کې د وسله والو د ښکاره کېدو خبرونه مخې ته راغلي دي.

حکومت د ټي ټي پي د ذيلي څانګو د وسله والو په داعش خراسان کې شاملېدو يا ترهګرو عملیاتو دپاره د حافظ ګل بهادر ډلې سره يو ځای کېدو د ممکنه اندېښنې خبرداری هم ورکړی دی.

  • 16x9 Image

    فضل عزیز

    فضل عزيز په کراچۍ کې د وي او اې ډيوه خبريال دی په سياسي، تعليمي، صحت او کلتور سره په ټولنيزو موضوعاتو وېب، رېډيو او ټيلي ويژن ته رپورټونه جوړوي او په ځانګړو موضوعاتو ليکل هم کوي. د کراچۍ د اردو پوهنتون نه يې د جرنلزم او کراچۍ پوهنتون نه يې د نړيوالو اړيکو د ماسټرۍ ډګريانې ترلاسه کړي دي.​

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG