لاس رسیدونکی لینک

Breaking News

بنو: د علي وزير د ضمانت په خواست اورېدنه کې کوم پرمختګ نه دی شوی، ځنډول شوې ده


د جنوبي وزيرستان نه د قومي اسمبلۍ غړي او پښتون ژغورنې غورځنګ [پي ټي اېم] د مخکښ علي وزير د ضمانت په خواست اورېدنه کې کوم پرمختګ نه دی شوی او ځنډول شوې ده.

د علي وزير وکيل شعېب سدوزۍ وي او اې ډیوه ته وويل، پرون د ګل/ دوشنبې ورځ [31 اکتوبر] د پېښور هايکورټ په بنو رجسټرۍ کې د علي وزير د ضمانت په خواست اورېدنې دپاره ټاکل شوې وه خو سرکاري ريکارډ عدالت ته نه وو راوړل شوی ځکه اورېدنه بې د کومې کارروايۍ وځنډول شوه.

هغه وويل، د اورېدنې دپاره بله نېټه نه ده ورکړل شوې خو دوی تمه لري چې په راتلونکې اوونۍ کې به بله نېټه وټاکل شي.

په کراچۍ کې د پي ټي اېم مشر نورالله ترين د بنو د اورېدنې په اړوند په ټویټر ويلي، حسب روايت سرکاري وکيل ريکارډ راوړل هېر کړي وو.

د وکيلانو په وينا په بنو کې د علي وزیر د ضمانت په خواست دا درېمه اورېدنه وه، لومړۍ اورېدنه په 29 ستمبر او دوېمه په درېم اکتوبر شوې وه.

علي وزير چې د کال 2020 راهسې د کراچۍ په مرکزي زندان کې بندي دی، په 25 اکتوبر عدالت په هغه مقدمه کې بري کړی په کومه کې چې هغه نيول شوی وو.

دا وخت په کراچۍ کې د علي وزير پرضد درې نورې مقدمې د کراچۍ د ترهګرۍ ضد عدالتونو کې روانې دي، په کوم کې چې د نوموړي ضمانتونه منظور شوي دي.

د هغه د وکیل قادر خان په وينا، په يوه مقدمه کې يې نن په لومړي نومبر، په بله مقدمه کې يې په څلورم او په درېمه کې نهم نومبر د اورېدنې دپاره ټاکل شوي دي.

د علي وزير د ضمانت په خواست چې اوس په بنو کې د پېښور هايکورټ په رجسټرس کې کومه اورېدنه روانه ده دا مقدمه د نوموړي پرضد د کال 2020 د نومبر په 15 نېټه د شمالي وزيرستان د میرانشا په تاڼه کې درج شوې چې پکې 121، 123، 124 A، 504، 505،506 او لوډ سپيکر اېکټ مادې لګول شوي دي. د وکيلانو په وېنا دا مادې د بغاوت، رياست او رياستي ادارو د سپکاوي او په ضد يې د خلکو راپارولو په تور کې لګول کيږي.

د نوموړي وکيلان وايي علي وزير ته چې په بنو کې ضمانت ترلاسه شي، هغه به د زندان څخه خوشی شي.

  • 16x9 Image

    فضل عزیز

    فضل عزيز په کراچۍ کې د وي او اې ډيوه خبريال دی په سياسي، تعليمي، صحت او کلتور سره په ټولنيزو موضوعاتو وېب، رېډيو او ټيلي ويژن ته رپورټونه جوړوي او په ځانګړو موضوعاتو ليکل هم کوي. د کراچۍ د اردو پوهنتون نه يې د جرنلزم او کراچۍ پوهنتون نه يې د نړيوالو اړيکو د ماسټرۍ ډګريانې ترلاسه کړي دي.​

ځانګړې ویډیوګانې

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG