لاس رسیدونکی لینک

تازه خبر

روس د اوکراین د جګړې په اړه ویډیوګانو باندې ګوګل 32,000 ډالر جرمانه کړی


د روس یو عدالت د امریکې د ټیکنالوجۍ پر کمپنۍ ګوګل باندې له دې کبله 32,000 ډالر جرمانه لګولې ده چې وایي د اوکراین د جګړې په اړه ممکنه ناسم معلومات یې له خپلو پاڼو نه دي لرې کړي.

د روس یو مجسټرېټ عدالت دا پرېکړه د پنجشنبې- زیارت په ورځ اورولې ده، خو تر دې وړاندې هم دې عدالت د اګست میاشتې په پیل کې دې ته ورته د «اېپل» او «ویکیپېډیا» د کوربه ادارې ویکپېډیا فاونډېشن خلاف ګامونه اخیستي وو.

د روسي رسنیو د رپوټونو له مخې عدالت د ګوګل تر ملکیت لاندې چلېدونکی یوټیوب ویډیو سروس له دې کبله مجرم ګڼلی چې وایي د اوکراین د جګړې په اړه د ناسمو معلوماتو ویډیوګانې یې نه وې لرې کړې او وایي روس دا کار "ځانګړی پوځي عمل" ګڼي.

خبري ادارې وایي ګوګل د داسې ویډیوګانو د نه لرې کولو پر سر هم مجرم ګڼل شوی چې وایي ځینو داسې ځایونو ته د ننوتلو لارښوونه کوي چې ماشومانو ته یې اجازه نه شته، خو دا نه دي ویل شوي چې دا څه ډول ځایونه دي.

په روس کې د مجسټرېټ عدالت د معمول په توګه د انتظامي سرغړونو او د ټیټې کچې فوجداري یا د جرمونو مقدمې تر سره کوي.

د ګوګل ادارې په دې اړه له تبصرې کولو ډډه کړې ده، خو ډېر لږ امکان شته چې ماسکو دې له ګوګل څخه دغه جرمانه تر لاسه کړي.

د امریکې د ټیکنالوجۍ کمپنۍ ګوګل په اړه چې په روس کې تېر کال د ممکنه ناسمو معلوماتو د خپرولو پر سر شخړه پیل شوې کاروبار یې په دې هېواد کې په اغېزمنه توګه ختم شوی وو.

کمپنۍ وایي کله چې روسي چارواکو د دوی د بېنک اکاونټ ضبط کړ او دوی خپلو کارکوونکو او سپلای کوونکو ته د تنخاوو وړتیا وبایلله، نو په روس کې یې د خپلې ادارې د دیوالیه کېدو خلاف درخواست ورکړ.

یادونه:- د دې رپوټ معلومات له اې پي خبري ایجنسۍ اخیستل شوي دي.

Forum

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG