د یو ورځني کرکټ د نړیوال کپ په دریمه سیالۍ کې دافغانستان لوبډله په 156 منډو سوځېدلې اؤ بنګله دېش ته یې د 157 منډو اسان هدف ورکړی دی.
د هند په هماچل پردېش کې د روانې دې سیالۍ پچه بنګله دیش وګټله اؤ افغانستان ته یې وړومبی د بیټنګ کولو بلنه ورکړه .
دافغانستان په لوبډله کې تر ټولو زیاتې منډې رحمان الله ګربز جوړې کړې دي چې شمیره یې 47 ده.
ابراهیم ځدران 22، رحمت شاہ او حشمت الله شهیدي 18،18 او عظمت الله عمرزي 22 منډې جوړې کړې دي.
همدا شان نجیب الله ځدران په 5 او محمد نبي په 6،راشد خان په 9 او مجیب الرحمان په یوه منډه سوځېدلی دی.
د افغانستان نوین الحق اؤ فضل فاروقي د یوې منډې په جوړولو هم نه دي توانېدلي.
دبنګله دیش کپتان شکیب الحسن اؤ مهدي حسن د افغانستان درې،درې لوبغاړي سوځولي اؤ شرف الاسلام دوه ،تسکین احمد اؤ مستقیظ الرحمان یوه، یوه ویکټه اخستې ده.
بنګله دیش پخپله پاڼۍ کې د 21 اوورونو لوبه کړې ده ، 95منډې یې جوړې کړې دي اؤ دوه لوبغاړي یې سوځېدلي دي
Forum