د عرب ليګ د بهرنيو چارو د وزيرانو په غونډه کې د اسرايل او حماس په روانه جګړه په قاهره کې د شورو/ چهارشنبې په ورځ بېړنۍ غونډه شوې، د اسرایل لخوا د غزې ناکه بندي یې غندلې او ګېرو شوو خلکو ته یې د سمدستي مرستو رسولو غوښتنه کړې ده.
په اووم اکتوبر حماس په اسرايل بريد کړی او په ځواب کې بیا اسرايل د غزه د پټۍ ناکه بندي کړې هلته یې خوراک، بجلي او نور ضروري څيزونه بند کړي دي.
د برید وروسته په حماس د اسرايل بمباري دوام لري.
د رپوټونو ترمخه د پينځمې ورځې په بمبارۍ کې د غزې پټۍ يواځينی پاور پلانټ يا د بجلۍ پلانټ هم بند شوی دی.
د رويټرز ترمخه د چهارشنبې په ورځ قاهره کې د عرب ليګ هيوادونو د بهرنيو چارو وزيرانو په غونډه کې په اسرايل ټينګار شوی چې غزه ته د بجلۍ او اوبو بندولو پرېکړې ته بيا کتنه وکړي.
د رپوټونو ترمخه په غزه د اسرايل د پينځو ورځو په بمبارۍ کې ياده سيمه تباه کړی شوې ده.
د غزه حکومت ويلي، په فضايي بمبارۍ کې د اوسېدو علاقې، جوماتونه او فېکټريانې په نخښه کړی شوي دي.
په غزه کې د اېمرجنسي روم ډاکټر محمد غنيم ويلي، د غزه روغتونونه د ناروغانو ډک پراته دي د دوی سره د اکسيجن ګېس او درملو رسايي کميږي.
اسرايل ویلي، د خالي د ورځې د حماس په بريدونو کې د 1200 پورې کسان وژل شوي دي او په غزه کې چارواکو ويلي، د اسرایل په بريدونو کې د 1000 نه زيات کسان وژل شوي دي.
د غزه په 40 کلوميټره پټۍ کې د 23 لکه نه زيات خلک اباد دي او دا په يو ځای ګڼه ابادي ده.
[د خبر معلومات د رويټرز څخه اخستل شوي]
Forum