لاس رسیدونکی لینک

تازه خبر

امریکايي چارواکي: قطر وايي دوحه کې د حماس ډلې په هلو ځلو بندیز باندې غور کولو ته تیار دي


قطر ویلي د امریکايي د وګړو په شمول تر 200 زیاتو یرغمل شوو کسانو په محفوظه طریقه د راخلاصولو وروسته تیار دي چې په قطر کې د حماس ډلې په موجودګی غور وکړي.

رایټرز خبري اداره وايي دا خبرې یو ستر امریکايي چارواکي د جمعې په ورځ تصدیق کړي دي.

رایټرز خبري اداره وايي د دوه امریکايي وګړو په شمول تر اوسه د بازیاب کړی شوو څلورو یرغملیانو په راخلاصولو کې هم قطر مرسته کړې ده او د باقي پاتې یرغمالیانو د خوشې کولو لپاره امریکا هم د قطر هېواد د لارې د حماس سره رابطې کوي.

امریکايي ورځپاڼې واشنګټن پوسټ هم یوه ورځ وړاندې رپورټ ورکړی وو چې تېره اوونۍ د منځني ختیځ سفر په وخت د امریکا خارجه وزیر اېنتني بلېنکن او د قطري امیر شیخ تمیم بن حماد التاني تر منځ یوه معاهده چې پټه ساتل کېږي، پکې لا دا فیصله نه ده شوې چې ایا د دوحې نه به د حماس ډلې مشران و ویستل شي که نه.

د یادونې وړ ده چې حماس ډله د اوږدې مودې راهیسې په سرښار دوحا کې مرکزي دفتر لري او د ډلې مشران اسماعیل هانیه او خالد مشعل په شمول د ډلې نور مشرانو پکې د روانې جګړې نه وړاندې وخت په وخت غونډې او فعالیتونه هم تر سره کول.

رایټرز خبري اداره وايي قطر هېواد چې د نېټو غېر اتحادي غړی دی او د افغانستان نه یې د نړیوالو ځواکونو راویستلو او د طالبانو او امریکا تر منځ خبرو کې بنیادي رول لوبولی د جمعې په ورځ رابرسېره شوو دې خبرونو ته فوري ځواب نه دی ویلی.

د قطر په دوحه کې د حماس ډلې د شتون ختمولو فشار وروسته له هغې زیات شوی چې د اکتوبر په شپاړسمه د کانګرس د حکومت او مخالفه ګوندونو 113غړو د امریکا صدر جو بایډن نه د یو شریک خط د لارې غوښتنه وکړه چې د قطر په شمول د حماس ډلې مرسته کونکو هېودونو باندې باید فشار راوړل شي.

قطر هېواد د نېټو یو غېر اتحادي غړی دی او د افغانستان نه یې د نړیوالو ځواکونو راښکلو او د طالبانو او امریکا تر منځه خبرو کې بنیادي رول هم لوبولی وو.

حماس ډله په بېلابېلو وختونو کې د امریکا، کېنیډا، مصر، یورپي یونین ، جاپان او اسرایل لخوا ترهګره ګرځول شوې ده.

د جمعې په ورځ امریکا په ایران کې د حماس ډلې د ځینې مشرانو په شمول د ایران د پاسداران انقلاب ډلې د مشرانو په ضد نوي مالي او سفري بندېزونه اعلان کړي دي.

Forum

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG