لاس رسیدونکی لینک

تازه خبر

آی اېم اېف اؤ‌ پاکستان  د 9415 اربو روپو کلني ټېکس راټولولو په هدف سلا شوي  


Pakistan IMF
Pakistan IMF

پاکستاني رسنیو دعوه کړې ده چې نړیواله مالیاتي اداره (آی ایم ایف) اؤ پاکستان په کال کې د 9415 اربو روپو د ټېکسونو راټولولو د هدف پځای ساتلو باندې سلا شوي اؤ له دې وروسته به پاکستان کې د منځومانې کوم وړوکی بجټ مخې ته نه راوړل کیږي.

د آی ایم ایف اؤ پاکستان ترمنځ د قرضې د قسط لپاره مذاکرات دتېرو څو ورځو راهسې روان دي اؤ د دوشنبې یا ګل په ورځ پاکستاني رسنیو د محصولاتو راټولولو د مرکزي ادارې(ایف بي ار) دسرچینوله خولې دعوه کړې ده چې دې خبرو کې دواړو خواوې اتفاق ته رسېدلي دي چې د محصولاتو راټولولو کلیز هدف به پځای ساتل کیږي.

د ایف بي ار سرچینو ویلي چې نګران حکومت آی ایم ایف ته ویلي چې نوي ټیکسونه به نه لګوي اؤ د ټيکس د امدان سیوا کولو لپاره به دټیکسونو چارواکي انتظامیي اقدامات لا پسې غوره کوي

رسنیو د سرچینو له خولې ویلي د آی ایم ایف چارواکي خبر کړل شوي دي چې معیشت ته به دستاویزي شکل ورکړل کیږي اؤ حکومت د ټیکسونو د لمنې خورولو پلان هم لري.

آی ایم ایف ته ویل شوي چې پاکستان د مالي کال د د وړومبیو څلورو میاشتو لپاره ټاکل شوي ټول اهدف ترلاسه کړي دي اؤ په کال کې د 9415 اربو روپو د ټیکسونو راټولولو هدف به په اسانۍ سره ترلاسه کړي.

د پاکستان حکومت دعوه لري چې د آی اېم اېف پروګرام زياتره اهداف یې مکمل کړي او د جاج اخستنې خبرې په ښه توګه مخکې روانې دي.

څېړونکي د یوې اوونۍ نه د زیاتو ورځو راهیسې پېل شوو مذاکراتو ته په کتلو سره وايي، داسې ښکاري چې پاکستان به د مخکې په پرتله داځل د آی ایف د قرضې بل قسط زر تر لاسه کړي.

د تېر اګست میاشت کې د نګران حکومت لخوا د واک ترلاسه کولو وړاندې، د اتحادي حکومت په دوره کې پاکستان د آی اېم اېف نه د پخواني قرض پروګرام اخري دوه قسطونه په ډېر ځنډ سره ترلاسه کړي وو، او په اخر کې هغه پروګرام نيمګړې پاتې شوی ؤ.

تر دې وروسته پاکستان د روان مالي کال په جولاى مياشت د 3 اربه ډالرو قرض ترلاسه کولو لپاره، د آی اېم اېف سره د نهو میاشتو لنډ مهاله لوظنامه لاسلیک کړې وه چې اوله جاېزه یې د نومبر دمياشتې د لومړې هفتې نه روانه ده.

د اقتصادي چارو کارپوهه شهريار بټ وايي نړیوالې مالياتي ادارې له پاکستان څخه د مځکو په اخستو، خرڅولو او د توک پرچون کاروبار کونکو دوکاندارانو په امدن د ټېکس لګولو غوښتنه کړې ده

د وي او ای ‌‌‌‌‌ډیوه خبریال ارشد حسین سره خبرو کې هغه ویلي،تر څو چې پاکستان د ټېکسونو جال پراخه نه کړي نو هر راتلونکی حکومت به د مالياتي تولې د ستونزې سره مخ کېږي او اوس ښه موقعه ده چې نګران حکومت دا کار وکړي ځکه چې دا حکومت پرشا سياسي پېټی یا بار نه لري .

د ملک د خزانې نګران وزيره شمشاد اختر هم ویلي چې د قرض پروګرام لاندې په ټولو اهدافو عمل روان دی او په وړومبۍ اقتصادي جاېزه کې د آی اېم اېف په ټولو شرطونو عمل ترسره شوی دی.

ددې جاېزې په سرته رسېدو سره به پاکستان ته د 70 کروړو ډالرو دوېم قسط ترلاسه شي او بيا په فرورۍ کې د دويمې جاېزې په بشپړه کېدو سره به پاتې د 1.2 اربو ډالرو د ترلاسه کولو وړتیا ولري.

Forum

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:56 0:00

Recommended

XS
SM
MD
LG