د بې پولې ډاکټرانو تنظیم ایم ایس ایف وايي د افغانستان د بلخ ولایت د مزار شریف په ځايي روغتون کې هره میاشت اوسط درې زره سخت ناروغه ماشومان او 546 د زیږون وروسته په ناروغۍ اخته ماشومان بیړني وارډ کې داخلوي.
ایم ایس ایف دا وخت د سختې څارنې لاندې یو مرکز او بیړنۍ خونه لري چې پکې تر 15 کالو عمر پورې ناروغه ماشومانو د چاڼ وروسته سختو ناروغه ماشومانو ته درملنه ورکول کیږي.
د کال 2023 د اګست په میاشت کې د میدیسنز سنز فرنټېرز یا بې پولې ډاکټرانو په نوم تنظیم د افغانستان په مزارشریف کې د صحي چارو وزارت په همکارۍ د ماشومانو او د زیږون سمدستي وروسته په ناروغیو د اخته بچیانو درملنې لپاره په یوه سیمه زیزه روغتون کې خپلې ځلې پیل کړې.
د کار موخه يې د افغانستان په شمالي ولایتونو کې په کم عمر کې د ماشومانو د مړینې شرحه راکمول وو.
ایم ایس ایف وایي له هغه وخته چې دوی د کم عمره ماشومانو د سخت څارنې لاندې وارډ کې خپل فعالیتونه پیل کړي، د بستر د نیولو اوسط کچه د 140 سلنه څخه زیاته ده:
"په حاضر وخت کې د 27 ماشومانو لپاره جوړ وارډ کې د 60 ماشومانو درملنه روانه ده".
پکار ده چې مونږ اضافي وسایل پکار راوستي وای او د محدوده صلاحیتونو او د ځای د کمښت لوی کړاو مو راکم کړی وای چې هر ناروغه ته د پاملرنې لپاره ځانله سهولت ورکړل شوی وای.
په مزار شریف کې د یاد تنظیم مشره هیدي هاشتن بیچ وايي، مونږ په مزار شریف کې دې کار ته دوام ورکړ چې په افغانستان کې سختې درملنې ته د حاجت لرونکو خلکو، په خصوصي توګه ماشومان او کم عمره زېږېدلي ماشومانو ته پاملرنه وشي:
"د وسایلو کمی دی، د صحي چارو نظام ناقصه دی او غوښتنه يې زیاته ده".
نوموړې زیاتوي په بلخ کې د بسترو د کمي په ستونزه کې دوی کومک کوي کوم چې ددې په فکر د ولایت په روغتیایي نظام کې ژوره ستونزه ده.
په افغانستان کې د وړاندې نه د صحت نظام کې چېلنجونه موجود وو خو د کال 2021 اګست میاشتې راهیسې کله چې طالبانو واک په هیواد کې ترلاسه کړی او نړیوالې مالي مرستې کمي شوې، دغه نظام کې نیمګړتیاوي نورې ډیرې شوي دي.
د یادې ادارې په رپوټ کې ویل شوي د روغتیایي نظام ډهانچه خرابه شوې او د صحت په چارو کې د کارکوونکو شمېر کم شوی چې له کبله يې د ډېرو خلکو درملنې ته رسايي نه کیږي او د ماشومانو د مرګونو خطر سېوا شوی دی.
Forum