لاس رسیدونکی لینک

تازه خبر

اسرایلو په لېبنان کې هوایي بریدونه کړي


په لېبنان کې د سیمې یو اوسېدونکی د فېبرورۍ په ۲۸ نېټه د اسرایلو په بمبار کې له ویجاړې شوې سیمې څخه لیدنه کوي.
په لېبنان کې د سیمې یو اوسېدونکی د فېبرورۍ په ۲۸ نېټه د اسرایلو په بمبار کې له ویجاړې شوې سیمې څخه لیدنه کوي.

واشنګټن- اسرایلو د شورو یا چهارشنبې په ورځ ویلي، چې دوی د لېبنان په جنوبي برخو کې د حزب الله د وسلو په ځایونو باندې هوایي بریدونه کړي او له لېبنان څخه یې ګڼ هغه ویشتل شوي راکټونه شنډ کړي چې د اسرایلو پر لور توغول شوي وو.

اسرایلي پوځ همدارنګه د غزې په جنوبي برخه خان یونس کې هم د تازه هوايي بریدونو خبر ورکړی او دغه ډول یې ویلي چې په خان یونس او د غزې په شمالي برخو کې یې ځمکني عملیات هم ترسره کړي.

د حماس تر کنټرول لاندې په غزه کې د روغتیا وزارت د شورو یا چهارشنبې په ورځ خبر ورکړی چې د اسرایلو په تازه بریدونو کې لږ تر لږه ۷۶ کسان وژل شوي دي.‌

په غزې باندې په اکټوبر کې د اسرایلو د بریدونو د پیل راهیسې د وژل شویو کسانو شمېر ۲۹۹۵۴ تنو ته رسېدلی او ۷۰۳۲۵ تنه نور ژوبل شوي هم دي.

بل پلو د اسرایلو، حماس او قطر مذاکره کونکو د نهې یا سې شنبې په ورځ د امریکا د ولسمشر جو بایډن لخوا هغه خبره رد کړې وه چې د یو نوي اوربند او د بندیانو د تبادلې تړون به ژر ترسره شي.

حماس په هغه وړاندیز غور کوي چې اسرایلو ورسره موافقه کړې او په پاریس کې تېره اونۍ د منځګړو ترمنځ خبرو کې شوی و چې د روژې لپاره به د ۴۰ ورځو اوربند کوي.

دا به د اسرایلو او حماس ترمنځ په روانې پنځه میاشتنۍ جګړه کې تر ټولو اوږد اوربند وي.

د دواړو خواوو استازي په دې اونۍ کې په قطر کې دي چې په جزیاتو باندې یې کار وکړي.

خو د قطر د بهرنیو چارو د وزارت ویاند مجید الناصري ویلي، "مونږ په هیڅ مسلې باندې وروستۍ هوکړه نه لرو چې تړون ته پرې ورسېږو. مونږ هیله لرو چې یو ډول هوکړه ترلاسه کړو."

د حماس یو چارواکي رویټرز ته ویلي، "تر اوسه هم لوی واټن موجود دی. د اوربند اساسي او لومړنۍ مسلې او د اسرایلي ځواکونو وتل په واضح ډول نه دې ذکر شوي چې همدې مسلې توافق ته رسېدل ځنډولي دي."

Forum

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG