په داسې وخت کې چې د ملګرو ملتونو لخوا په غزه کې د لوږې دلاسه د مرګونو خبردارۍ ورکړل شوی دی د قبرس څخه لومړۍ بحري جهاز یا کښتۍ د نهې/ سه شنبې په ورځ په 200 ټنو مرستو بار خپل سفر پیل کړی دی.
د مصر او غزې تر منځ یوازینۍ ځمکنۍ لار له رفح څخه څو ټرکونه یا لارۍ د مرستو رسولو سره غزې ته ننوتلي دي، خو د 2.3 میلینه فلسطینیانو لپاره مرستې ناکافي دي، او ملګرو ملتونو خبرداری ورکړی چې که د مرستو رسولو کچه زیاته نشي ، نو د غزه څلورمه برخه نفوس یا آبادي له لوږې مړه کېدی شي.
غزې ته د ځمکې له لارې د مرستو رسولو په برخه کې د جګړې د وضعیت په ګډون د امنیت په برخه کې یو لړ خنډونه شتون لري، چې د دغه له وجې بدلې لارې په پام کې نیول شوي دي.
په غزه کې د خوراک سامان او بشري وضعیت د سخت حالت له کبله امریکا هڅې پیل کړې چې د بار وړلو نوې لار پرانیزي ترڅو په غټه کچه مرستې ورسول شي. او د غزه په ساحل کې د موقتي یا عارضي بندر د جوړولو فېصله وشوه او امریکا لخوا به سر ته رسولی شي.
د موقتي بندر ته امدادي سامان د رسېدو وروسته به د اسرایل پوځیان د دغه سامان معاینه کوي او دا خبره د یقیني کولو وروسته چې په دغه سامان کې د حماس جنګیالیو لپاره وسلې شتون نلري ، نو بیا به دغه سامان د ټرکونو د لارې فلسطینیانو ته په ټرکونو کې لیږل کیږي. د دغه امدادی سامان تقسیم به ملګري ملتونه او غېر دولتي ادارې (اېن جي اوز) کوي.
د دغه پروګرام له مخې د مرستو لومړۍ کښتۍ د قبرس له لارناکا بندر څخه واستول شوه. له قبرس څخه تر غزې پورې 200 میل (320 کلومېټر) سمندري سفر 15 ساعته وخت نیسي، خو د هسپانوي مرستندویه کښتۍ 'اوپن آرمز' ته د امدادي سامان وزن او د خپل جوړښت له امله د رسیدو لپاره کېدې شي دوه ورځې وخت ولګي.
په دغه امدادي سامان کې اوړه، وريژې، پاسټا او پروټین لرونکي خواړه شامل دي. د دغه امدادي سامان د فنډونو ډېره برخه د متحده عربي اماراتو له خوا ورکړل شوی او فلسطينيانو ته د لیږلو انتظام یې د امريکا مرستندویه تنظیم ورلډ سنټرل کېچن (WCK) کړی دی.
ورلډ سنټرل کېچن ویلي چې دوی د مرستې ترلاسه کولو لپاره د غزې په ساحل کې یو پلیټ فارم جوړوي، کوم چې به د مرستې لیږلو لپاره د موقتي بندر سربیره یو بل ځای وي.
یادونه: د دې خبر معلومات وي او اې اردو نه اخیستل شوي دي
Forum